Jězby po swěće čaja – Shennong a so sajace sony 1. dźěl

Freitag, 09. Februar 2018
Artikel bewerten
(0 Stimmen)
Tee Seeger je najstarši čajowy wikowar Němskeje. Dźensa předawa zawod swoje twory we wobchodźe w Hannoveru (wobraz) a přez internet. Foto: Měrćin Wjenk Tee Seeger je najstarši čajowy wikowar Němskeje. Dźensa předawa zawod swoje twory we wobchodźe w Hannoveru (wobraz) a přez internet. Foto: Měrćin Wjenk

Běše něhdy ... – poprawom njejsu baje runjewon dokładne nastupajo čas a městnosć jednanja. Ćim bóle tuž zadźiwa, zo je za sćěhowacu baju-powědku z Chiny dokładna lětoličba podata: W lěće 2737 do Chrystusa to bě, zo jednoho dnja mytiskeho­ kejžora Shennonga mjakliwosć trapješe, přečož sej někotre hałzy a drjewčka zezběra, woheń zamiškri a nad nim kotoł staji, zo by sej wodu zwarił. Kaž wohenčk takle knyskotaše, horcota sapaše, so woćoplaca woda šumješe a nad nim wot štoma camellia sinensis pušćace so łopjena so sćicha k zemi sajachu, sej kejžor wo zdónk so zepěrajo zdrěmny. Hač drje so jemu jako łopjena k zemi tež sony do spara sajachu? Hač hižo wosnje widźeše, što při wotućenju wotkryje? Hač so jemu wo wuznamje a přichodźe tohole wotkryća dźiješe?

Veröffentlicht in Předźenak
Bitte anmelden, um einen Kommentar zu posten

Serbska debata

Neuheiten LND