Předrasćić so ženje nochcyła

Freitag, 09. Februar 2018
Artikel bewerten
(0 Stimmen)
Kwasny wobraz mandźelskeju Marje a Jurja Hickec z lěta 1957  Foto: priwatne Kwasny wobraz mandźelskeju Marje a Jurja Hickec z lěta 1957 Foto: priwatne

Na wopyće pola Chelnjanki, kotraž jako jenička wsy serbska chodźi

W Chelnje w gmejnje Radwor knježi sobotu nawječor spokojna ćišina. Njewuhladaš ani jeničkeje čłowječeje duše. W 326 woby­dlerjow wopřijacej wsy běchu před lětami hišće wjacore Serbowki wšědnje w katolskej drasće chodźili. Dźensa je to hišće jenička wjesnjanka.

Byrnjež hižo 86 lět była, wuprudźa Marja Hiccyna žiwjensku čerstwosć we wšědnej narodnej drasće. Wita mje do přitulnje zarjadowaneho bydlenja. We jstwě na sćěnje wisa zaramikowane wjetše foto jeje mandźelskeho Jurja, kiž je w lěće 2016 zemrěł. „Loni w juniju bychmoj diamantny kwas swjećiłoj. Škoda, zo njejsmoj jón hižo zhromadnje dožiwić móhłoj. Hladam často na wobraz, zo bych jeho widźała.“ We jstwě wisaja tež fota jeje třoch synow z mandźelskimi, na kamorje steja tajke wot jeje dźewjeć wnučkow a štyrjoch prawnučkow. Wšitke mać, wowku a prawowku spokojeja. Nječuje so tak sama. Po smjerći mandźelskeho bydli w domje tež jeje wnučk z mandźelskej a dźěsćomaj. Tak ma wudowa někoho pomocliwje poboku.

Veröffentlicht in Předźenak

Galerie

dalši wobraz (1) Marja Hiccyna we wšědnej katolskej narodnej drasće Foto: Alfons Wićaz
Bitte anmelden, um einen Kommentar zu posten

Serbska debata

Neuheiten LND