W Choćebuskej čajowni „Oblomow“ přeprošuja kóždy štwórtk na „serbsku přestawku z čajom“

„Witajśo k nam! Co smějom Wam póbitowaś?“ mje Hagen Stolecki wita. Steji w swojim čajowym wobchodźe z mjenom „Oblomow“, kotryž je zdobom čajownja. Zastupiwši běch mjenujcy „Powědajśo serbski z nami“ na trojobarbnej serbskej tafličce wosrjedź duri wuhladał a tuž serbsce strowił. Wonka je zyma, tak sej horcy zeleny čaj skazam. Doniž wón připrawjeny njeje, so rozhladuju. Rumnosć je wulka. Prědku skerje kwadratiska, nalěwo přez róžk stejitej předawanskej tejce. Na jednej krasna čerwjena, stara waha – najskerje z 50tych lět. Na sćěnje za tejkomaj hač pod wjerch regale z njeličomnymi złoćanymi blacho­wymi tyzami, z družinu składowaneho čaja woznamjenjene a akuratnje do horicontale a wertikale zrjadowane.

Ekskurs do swěta čaja