To a tamne (12.07.16)
Na jězbu z balonom wokoło zemje je so ruski dyrdomdejnik Fjodor Konjuchow podał. 65lětny startowaše dźensa rano w zapadoawstralskim Northamje, 100 kilometrow sewjerowuchodnje přistawneho města Perth. Konjuchow chce rekord Američana Steva Fosseta přewinyć, kiž bě zemsku kulu lěta 2002 w běhu 13 dnjow wobkružił, a planuje cyłkownu čaru 33 000 kilometrow.
Najwjetši orchester swěta zetka so minjeny kónc tydźenja w Frankfurće nad Mohanom, hdźež je zhromadnje hudźił. Němski institut za rekordy je dokładnje 7 548 hudźbnikow zličił a tak informaciju zarjadowarja wobkrućił. Nětko chcedźa hoberski orchester do knihi „Swětowe rekordy w Němskej“ kaž tež do Guinnessoweje knihi rekordow zapisać. Dotal najwjetši orchester swěta bě lěta 2013 w awstralskim měsće Brisbane ze 7 224 hudźbnikami hrał.
Dźe wo sćěhi brexita
Brüssel (dpa/K/SN). Financni ministrojo krajow z eurom rěča dźensa w belgiskej stolicy Brüsselu wo sćěhach brexita. Je to prěnje jich zetkanje po woprašowanju luda we Wulkej Britaniskej. Nimo toho zaběraja so z wuwićom w Portugalskej a Irskej po skónčenju pomocnych programow za tutej krajej. Rozsudy wo přichodnych kročelach su wšak hakle jutře na schadźowanju financnych ministrow statow EU wočakować.
Gauck do Chile wotlećał
Berlin (dpa/SN). Zwjazkowy prezident Joachim Gauck je dźensa na wopyt do Chile a Uruguayja w Južnej Americe wotlećał. W chilskej stolicy Santiagu wočakuja jeho jutře statna prezidentka Michelle Bachelet a dalši zastupnicy stata. W rozmołwach chcedźa aktualne politiske a hospodarske prašenja runje tak wobjednawać kaž złóstnistwa za čas wojerskeje diktatury wot 1973 do 1990.
Lindner: AfD wobkedźbować
Generalna sekretarka SPD Katarina Barley je dźensa zhromadnje z ...
Wulkeje koalicije dla optimistiska
Obama wopomni wopory w Dallasu
Załožba česći „sprawnych“
Razna kritika z Moskwy
Wjerškowe zetkanje NATO w pólskej stolicy zakónčene
Waršawa (dpa/SN). Wonkowny minister Frank-Walter Steinmeier je sej po wjerškowym zetkanju NATO wěsty, zo dóńdźe ke konstruktiwnym rozmołwam z Ruskej wo europskej wěstotnej architekturje. „Witam jara, zo so rada NATO-Ruskeje hižo přichodnu srjedu, bjezposrědnje po Waršawje, schadźuje“, rjekny politikar SPD wčera powěsćerni dpa. „Je to wulka šansa, Moskwje transparentnje wšitke Waršawske rozsudy rozłožić a po tymle puću zaso chutny a dołho trajacy dialog zahajić, runje w prašenjach našeho měroweho porjada a europskeje wěstotneje architektury.“
Pogrom wopominali
To a tamne (11.07.16)
Na wopačnym lětanišću přizemiło je lětadło ze 130 pasažěrami w USA. Dolećeć měješe mašina předewzaća Delta Air Lines poprawom w Rapid City, druhim najwjetšim měsće stata South Dakota. Město toho pak přizemi na 15 kilometrow zdalenym wojerskim lětanišću Ellsworth. Wojacy reagowachu zadźiwani a kontrolowachu mašinu z pomocu psa. Na to smědźeše lětadło zaso wotlećeć. Podawk chcedźa nětko přepytować. Pilotaj staj pušćenaj.
Wjace hač 3 200 ludźi je so w britiskim Hullu zeslěkało, zo bychu so z módrej abo zelenej barbu pomolować dali. Za fotografa Spencera Tunicka pozěrowachu wobdźělnicy z 20 krajow na wažnych blakach města. Je to najwjetši wuměłski projekt Wulkeje Britaniskeje scyła. Nastate wobrazy chcedźa wozjewić.
Mjenje ćěkancow přišło
Berlin (dpa/SN). Ličba do Němskeje přichadźacych ćěkancow je minjene měsacy widźomnje woteběrała. Wot januara hač do kónca junija registrowachu zamołwite zarjady 222 264 nowych ćěkancow, zwjazkowy nutřkowny minister Thomas de Maizière (CDU) dźensa w Berlinje zdźěli. Loni bě jich po wšej Němskej 1,1 milion. Hłownej přičinje woteběrace- je ličby stej zawrjenje tak mjenowaneje balkanskeje čary a dojednanje mjez EU a Turkowskej. Najwjace ćěkancow přińdźe ze Syriskeje, hdźež wójna howri.
Miliony dolarow pokuty
San Francisco (dpa/SN). W skandalu manipulowaneho wotpłuna dieselowych awtow dla płaći awtotwarc Volkswagen zwjazkowemu statej USA Kaliforniskej pokutu 86 milionow dolarow. Tole zdźěli tamniši generalny statny rěčnik Kamala Harris medijam. Je to dźěl pokuty 603 milionow dolarow, kotrež ma VW podźělnje wšitkim 44 zwjazkowym statam wupłaćić. Cyłkownu pokutu awtotwarca zarjadam, wikowarjam awtow a jednotliwym wobsedźerjam awtow wobličeja na 14,7 miliardow dollarow.
Kulturne hódnoty škitać
