1. Viktoria Worklecy 3 9 :2 8
2. ST Kupoj-Nowa Łuka 2 6 :1 6
3. TSV Kundraćicy 2 5 :5 3
4. Viktoria Worklecy II 2 4 :4 3
5. VV Žitawa 09 II 3 3 :9 1
6. Módro-běłe Wojerecy 2 0 :6 0
Po třoch hrach, kotrež su wolejbulistki Worklečanskeje Viktorije wšitke dobyli, steja wone w tabulce wobwodneje ligi wuchodneje Sakskeje, stafle 2 na prěnim městnje. Chowanče trenarja Stephana Mühla přewinychu hrajerki z Wojerec a Kundraćic (Cunnersdorf).
Za Viktoriju Worklecy zasadźene běchu: Johanna Fieglerec, Christin Opicec, Jana Kralec, Marina Köhlerowa, Stefanie Köhlerowa, Anne Kurzetz, Jennifer Otto, Rejzka Rawšec, Tadeja Šeferec.
Viktoria Worklecy – Módro-běłe Wojerecy 3:0 (25:14, 25:14, 25:14)
Młode wolejbulistki z Wojerec so w prěnjej sadźbje lochko njemějachu. Chětro nerwoznje agěrowace njezamóchu wone wulce dypkować. Přenjewěste běchu jich přiwzaća. Tak móžachu Worklečanki jasne nawjedowanje 7:0 natwarić. Samo timeout z boka Wojerec při dypkowym stawje 5:15 domjace njezamyli, a wone móžachu swój rytmus dale dźeržeć. Prěnju sadźbu zawěsćichu sej tuž z 25:14.