Prěnje wrota w stawiznach Kanady

Montag, 28. November 2022
Artikel bewerten
(0 Stimmen)
W skupinskej hrě přećiwo Chorwatskej je Alphonso Davies prěnje wrota za Kanadu w stawiznach koparskich mišterstwow třělił.  Foto: pa/AP/ Martin Meissner W skupinskej hrě přećiwo Chorwatskej je Alphonso Davies prěnje wrota za Kanadu w stawiznach koparskich mišterstwow třělił. Foto: pa/AP/ Martin Meissner

Runje Alphonso Davies, kotryž bě w zašłej partiji hišće jědnatku přetřělił, docpě w druhej skupinskej hrě přećiwo Chorwatskej prěnje wrota za Kanadu w stawiznach swětowych koparskich mišterstwow. Za dobyće pak tute na kóncu ­njedosahachu. Marko Livaja, Lovro Majer a dwójce Andrej Kramarić hru hišće zwjertnychu. Poslednja skupinska hra přećiwo Belgiskej budźe za Chorwatow hižo mały finale wo zaćah do wosmi­finala.

Poražki přećiwo Marokkej dla je Belgiska tučasnje z třomi dypkami jenož třeća za Chorwatskej a Marokkom, a tak winowata dobyć. Rozsudźiła bě so hra hakle w kónčnej štwórć hodźinje. Na lěwym boku dósta Marokko wólny kop, nimale při zakładnej liniji. W belgiskich wrotach steješe Thibaut Courtois centralnje a něšto kročelow před wrotowej liniju. Tuž zapali Abdelhamid Sabiri bul wótrje ­na krótki róžk a překwapi z tym Courtoisa (73.). W přidatnym hrajnym času docpě Zakaria Abouklal po přihrawce Hakima Ziyecha samo hišće 2:0 za Marokko (90. + 2).

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND