Marokko dalšu sensaciju docpěł

Montag, 12. Dezember 2022
Artikel bewerten
(0 Stimmen)
Tež před wuspěšnymi koparjemi z Brazilskeje njemějachu Chorwaća žadyn respekt a su so přesadźili.  Foto: pa/Niviere David Tež před wuspěšnymi koparjemi z Brazilskeje njemějachu Chorwaća žadyn respekt a su so přesadźili. Foto: pa/Niviere David

Koparska wubranka Marokka je prěnje afriske mustwo, kotrež je połfinale swětoweho mišterstwa docpěło. Marokkočenjo dobychu štwórćfinale přećiwo Portugalskej z 1:0. Portugalčenjo njemóžachu mnohe šansy wužić. Dobyćerske wrota třěli Youssef En-Nesyri krótko do połčasa. Marokko bě na to w druhej połojcy hłownje hišće wrota zakitować dyrbjało. Portugalska hraješe w stilu mjetarskeho mustwa wokoło šěsnatki napřećiwneho mustwa, tola wuspěch třělenja wrotow so jim njeporadźi. W kole poslednich štyrjoch budźe Marokko na Francosku hrać. Francoscy koparjo přewinychu Jendźelsku w zahorjacej a na tempo bohatej hrě z 2:1. Woni so lěpje do hry zanurichu. Po rjanym ale njewuspěšnym hłójčkowanym bulu Oliviera Girouda bě to srjedźopólny hrajer Aurélien Tchouaméni, kiž z distancy prosće na wrota třěli a z tym nalěwo deleka do saka jendźelskich wrotow trjechi (1:0 we 18. min.). Po tym dominowaše we wjedźenju bula nimale jenož hišće Jendźelska, tola wurunanje docpě hakle w druhej połojcy. Tchouaméni foulowaše Bukayo Saku w šěsnatce Francozow.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND