Widźał, słyšał, napisał (08.08.16)
Awtor dźensa
Clemens Šmit
„Wočiwidne! Woni tla na čas hraja!“, tole sej tučasnje husto myslu, hdyž podawki w aktualnym a zańdźenym w sporće sćěhuju. Dopominaće so hišće na pad Beckenbauer/Niersbach a na skandal FIFA wo kupjene koparske swětowe mišterstwa w Němskej 2006? A prašeće so tež runje, što je so tam poprawom wukopało? Štož so při mjetańcy jako pasiwne hraće definuje a w datym padźe druhdy přez sudnika kónči, je tež na mjenowanym přikładźe wobkedźbujomne. Podhladne wosoby runje tak kaž w mjetańcy na čas hraja. Ale nic jenož to, wone so samo z medijoweje zjawnosće a tak tež z našich wočow tak dołho zhubja, doniž so na nich njezabudźe. Podobne postupowanje pak njeje jenož w sporće en vogue (načasne).
Wuslědki (08.08.16)
Regionalna koparska liga
Energija Choćebuz – RB Lipsk II 0:0 (0:0)
Luckenwalde – Lok Lipsk 0:3 (0:1)
Budissa Budyšin – Babelsberg 03 1:2 (1:1)
1. BFC Dynamo 2 9 : 1 6
2. Jena 2 4 : 0 6
3. Nordhausen 2 3 : 0 6
4. Lok Lipsk 2 4 : 1 4
4. FC Viktoria 2 4 : 1 4
6. RB Lipsk ll 2 2 : 0 4
7. Neugersdorf 2 4 : 1 3
8. Schönberg 2 4 : 3 3
9. Hertha BSC II 2 3 : 3 3
10. Babelsberg 03 2 2 : 3 3
10. Auerbach 2 2 : 3 3
12. Energija Choćebuz 2 1 : 1 2
13. Meuselwitz 2 0 : 2 1
14. Berlinski AK 2 1 : 4 1
15. Fürstenwalde 2 0 : 5 1
16. Budissa Budyšin 2 2 : 4 0
17. Neustrelitz 2 1 : 7 0
18. Luckenwalde 2 0 : 7 0
Sport (05.08.16)
Za Powerserb so přizjewić
Lětuše wubědźowanje Powerserb budźe 20. awgusta w Radworju. Dokelž bě tamniša młodźina lońše wubědźowanje w Pěskecach dobyła, wuhotuje wona sportowe zarjadowanje zhromadnje ze Serbskim młodźinskim towarstwom Pawk. Mustwo ma wobstać ze znajmjeńša pjeć wosobow, maksimalnje sydom (šesta a sedma holcy). Startowy pjenjez je dźesać eurow na mustwo. Přizjewjenja su móžne na Facebooku.
Volleyball a hašenje
Dobrowólna wohnjowa wobora Smjerdźaca wuhotuje jutře volleyballowy turněr za wólnočasne mustwa a njedźelu wubědźowanje wohnjowych woborow. Volleyballowe cyłki njech su jutře w 13 hodź. při hrajnišćomaj, zo bychu so přizjewili. Turněr započnje so poł hodźiny pozdźišo. W hašenju wubědźuja so wohnjowi wobornicy zajutřišim, njedźelu wot 14 hodź. Na městnje być pak měli hašenske jězdźidła a wobornicy hižo poł hodźiny do toho.
Dalša stacija beachtury
Dobry wukon pokazali, ale podleželi
VfB Auerbach
– FSV Budissa Budyšin 2:1 (1:0)
Zestawa hosći: Wohlfeld – Kolan, Klippel, Patka, Hänsch, Hoßmang, Pfanne (64. Milde), Müller (82. Baudis), Hermann (72. Salewski), Němec, Šisler
Wobornicy so wubědźowali
Hannah Lehderec wuspěšna
W Bošecach přewjedźechu minjeny kónc tydźenja jubilejny 10. Budyski jěchanski a skakanski turněr. Zarjadowało a wuhotowało je jón towarstwo Jěchanski sport Budyšin z.t.
Wot pjatka do njedźele wotmě so na Bošečanskim jěchanskim arealu dohromady 31 pruwowanjow z wjacorymi stami koni a jěcharjow. Hannah Lehderec, jěcharka Njeswačanskeho sportoweho towarstwa, doby z konjom Rembrandtom pruwowanje w dresurje klasy A z dwěmaj hwězdźičkomaj. W skakanju klasy L wobsadźi šulerka Serbskeho gymnazija z Chupa Cupom 7 dźewjate městno. Ellen Altenkamp, sportowča Kulowskeho jěchanskeho towarstwa, bu w dypkowym skakanju klasy L z Atinom R pjata a w skakanju klasy L z konjom Cantatom dwanata. Jurij Bjeńš
Poradźeny test po treningowym lěhwje
ST 1922 Radwor
– ST Marijina hwězda 0:3 (0:2)
Zestawa domjacych: Wünderlich – Hančik (31. Omran), Zähr, Kral (61. Michalc), Mark, Handrik, Winar, Sćapan (41. Wjenka), von Karwin, Buša, Šram, Šěrak
Zestawa hosći: O. Schmidt (46. Matik) – Wróbl, Łušćanski, T. Jurš (46. Škoda), R. Hawš, Peschmann, O. Hawš, Bělk (46. Hübner), Smoła (46. P. Schmidt), Pakoßnick (46. Bejmak), D. Jurš (46. Winkler)
K zakónčenju třidnjowskeho treningoweho lěhwa w Čěskej, kotrež bě Stefan Hübner wuběrnje organizował, čakaše na koparjow ST Marijineje hwězdy přihotowanska hra přećiwo Sportowemu towarstwu Radwor.
Stajnje dwě lěće dyrbja wólnočasni volleyballisća čakać, zo ...
Jónu jasnje dobyli, jónu podleželi
SJ Chrósćicy
– SC Großröhrsdorf 4:0 (3:0)
Slovan Hrádek nad Nisou
– SJ Chrósćicy 3:2 (2:0)
Za SJC zasadźeni: Králíček – Pöpel, Dehn, Cyž, Schulze, Teichmann, Šafář, M. Zahrodnik, G. Zahrodnik, Runt, Sentivan, Młynk, Žur, Kunze, Domaška, Šmit, J. Bogusz, D. Bogusz, Budar, Věchet
Koparjo Chróšćanskeje SJ běchu sej za minjeny kónc tydźenja hnydom dwě přihotowanskej hrě předewzali. Pjatk wječor přeprosychu sej koparjow sportoweho kluba z Großröhrsdorfa. Mustwo, přećiwo kotremuž Chróšćenjo zašłu sezonu hišće wo dypki wojowachu, pak njebě kaž wočakowane, ćežki přećiwnik. Hosćićeljo přez cyły hrajny čas dominowachu. K połčasej nawjedowachu hižo 3:0 přez wrota Młynka, Žura a Dehna. Wo kónčne 4:0 postara so Damian Bogusz.
Hrajny natwar poradźeny
HZ Wulka Dubrawa/Minakał
– Sokoł Ralbicy/Hórki 0:7 (0:1)
Za hosći zasadźeni: Gloxyn – Matka, Wałda, B. Bjeńš, Šewc, Lulak, G. Kurjat, Korjeńk, S. Bjeńš, von Köding, T. Bejma, M. Kurjat
Minjeny pjatk wječor nastupichu koparjo Sokoła Ralbicy/Hórki z nimale kompletnym kadrom k prěnjej testowej hrě w Minakale přećiwo Hrajnemu zjednoćenstwu Wulka Dubrawa/Minakał. Trenar Thomas Schultz njeeksperimentowaše a daše wšitkich akterow přez cyły čas na jich pozicijach hrać. Wosebje wažne běchu jemu krótke přihrawki wot wrotarja k nadběhowarjej. To so Sokołam wosebje w prěnich 15 min. poradźi. Třiróžk Fabian Korjeńk, Stanij Šewc a Stefan Bjeńš staraše so wo dobry natwar a posłužowaše stajnje zaso Gabriela Kurjata w nadběhu. Tón pak dwě stoprocentnej šansy zapase. Jenički strašny konter hosćićela Gloxyn znješkódni (20.). Šewc a Korjeńk z rjanymaj třělwomaj tohorunja wuspěšnaj njeběštaj. Krótko do połčasa bu Stefan Bjeńš w šěsnatce foulowany. Jědnatku von Ködinga drje přećiwniski wrotar parěrowaše, Gabriel Kurjat pak steješe prawje a bul na to do wrotow zhłójčkowa (39.). Ze snadnym 1:0 dźěše do kabiny.
