Widźał, słyšał, napisał (26.08.24)
Awtor dźensa
Halena Jancyna
Hižo za dnjej wotměwaja so paralympiske hry. Paralympiske hry so 1960 prěni raz w Romje přewjedźechu. Wone su so minjene lěta k jednomu z najwuznamnišich mjezynarodnych sportowych podawkow wuwili. Prěnjotnje buchu jako „Stoke Mandeville Games“ za we wójnje zranjenych wojakow załožene. Hry zawjedźe Sir Ludwig Guttmann, britiski neurologa. Guttmannowa wizija bě, ludźom ze zbrašenjemi z pomocu sporta nowu perspektiwu a socialne připóznaće skićić. Tuta wizija sta so přez lětdźesatki z globalnym symbolom za inkluziju, diwersitu a sportowu ekscelencu.
Paralympiske hry 2024 wotměwaja so w Parisu. Francoska stolica je z tym znowa srjedźišćo swětoweho sporta, tónraz z fokusom na jimace wukony atletkow a atletow ze zbrašenjemi.
Wosebite přiznamjenja paralympiskich hrow je přiběrace wužiwanje technologije, kaž n. př. wulce moderne protezy a stoły za zbrašenych, kotrež sportowcam k dale a lěpšim wukonam dopomhaja. Nimo toho změja nowe wubědźowanske klasy, kotrež dalšim sportowčam a sportowcam wobdźělenje zmóžnjeja.
Sport (23.08.24)
Motocross w Jaworje
Motocross na mjezynarodnej runinje změja w Jaworje zaso 31. awgusta a 1. septembra. Potom wubědźuje so tam najwoblubowaniša motocrossowa serija Europy – ADAC MX Masters.
Motocross w Rownom
Motorsportowe towarstwo Offroad Rookies zarjaduje a wuhotuje 31. awgusta w Rownom tak mjenowany Rownjanski motocross po šćernišću. Wubědźowanja přewjedu so na 2 km dołhej čarje při Trebinjanskim a Mułkečanskim puću.
Koparskej derbyjej
Koparjo z Rakec a Chrósćic su hižo w minjenej hrajnej dobje w sakskej klasy koparskej derbyjej přewjedli. Tež w nowej sezonje budźe to tón pad, wšako hrajetej wobě zastupnistwje zaso w samsnej stafli, nětko pak we wokrjesnej wyšej lize. Dalši derby změja w Pančicach we wokrjesnej lize, hdyž hraje druhe koparske mustwo SJ Chrósćicy pola prěnjeho mustwa ST Marijineje hwězdy.
24.08. 14:00 Biskopičanske KT 08 –
SG Union Sandersdorf
24.08. 15:00 Rakečanske ST –
SJ Chrósćicy
24.08. 15:00 Módro-běli Kulow –
SG Großnaundorf
24.08. 15:00 ST Lubuš – ST Radwor
24.08. 16:30 FC Energija Choćebuz –
TSV Alemannia Aachen
25.08. 12:30 HZ Ralbicy/Pančicy –
HZ Wujězd
25.08. 14:00 ST Marijina hwězda –
SJ Chrósćicy II
Póndźelu w Miłoćicach finale bičtury
Znowa kónc w prěnim pokalnym kole
FC Energija Choćebuz –
Werder Bremen 1:3 (0:2)
Zestawa Energije Choćebuz: Bethke – Rorig, Kusić, Campulka (46. Slamar), Hasse, Putze (46. Pelivan), Hofmann, Juckel (86. Borgmann), Ciğerci, Halbauer (64. Krauß), Proničew (64. Hajrulla)
Zestawa Werder Bremen: Zetterer – Stark (60. Stark), Friedl, Veljković, Weiser, Stage, Lynen, Schmid, Agu (71. Bittencourt), Topp (60. Njinmah), Ducksch (86. Grüll)
Slěd wrotow: 0:1 Topp (32.), 0:2 Topp (37.), 0:3 Topp (56.), 1:3 Rorig (70.)
Wurjadnemu Eliasej Bethce we wrotach Energije ma so hosćićel dźakować, zo bě Choćebuz hakle po poł hodźinje w zastatku. Po tym wjedźeštaj kapitalnej zmylkaj Tima Kampulki k dwojim wrotam nowopřichada Keke Toppa. Bremen bě hač do nawjedowanja technisce a běharsce wo wjele lěpši cyłk.
Wuslědki (22.08.24)
Krajna klasa
Biskopičanske KT II –
Radebergerske ST6:3 (3:2)
1. SC Freital II 1 4 : 0 3
2. Biskopičanske KT II 1 6 : 3 3
3. FSV Nowosolc-Hrodk 1 3 : 0 3
4. FSC Wódrjeńca 02 1 2 : 0 3
5. ST Wesenitzal 1 3 : 2 3
6. Heidenauske ST 1 2 : 1 3
6. TSV Cossebaude 1 2 : 1 3
8. Póst Drježdźany 1 1 : 1 1
8. Rotacija Drježdźany 1 1 : 1 1
10. SZ Drježdźany Strěžin 1 2 : 3 0
11. Přezjednota Niska 1 1 : 2 0
11. Hartmannsdorfske ST 1 1 : 2 0
13. SG Weixdorf 1 0 : 2 0
14. Radebergerske ST 1 3 : 6 0
15. Wojerowski FC 1 0 : 3 0
16. Chemie Dohna 1 0 : 4 0
W podlěšenju so přesadźili
FV Ottendorf-Okrilla II –
SJ Chrósćicy II 3:5 p.p. (3:3, 1:1)
Zestawa hosći: M. Mark – Lehmann (62. Hojer), Kola, T. Donat, K. Mark, Liznar, Handrik, Paška, Wencel, Klemenc (70. Zahrodnik), B. Donat (62. Sćapan)
Zašłu sobotu wuhra so prěnje koło wokrjesneho pokala mjez rezerwowamaj towarstwow z Ottendorf-Okrille a Chrósćic. Při tym poda so serbski cyłk jako wokrjesny ligist k zastupjerjej wokrjesneje klasy.
Dynamo přewinje Düsseldorf
Dynamo Drježdźany –
Fortuna Düsseldorf 2:0
Zestawa domjacych: Schreiber – Kammerknecht, Casar, Boeder, Lemmer, Šapina, N. Hauptmann, Heise, Menzel, R. Meißner, Daferner
Zestawa hosći: Kastenmeier – Iyoha, Oberdorf, de Wijs, M. Zimmermann, Sobottka, Rossmann, Johannesson, Ao Tanaka, Klaus, Niemiec
Dynamo Drježdźany doby prěnjej dwě hrě ligi přećiwo Viktoriji Köln (2:1) a Energiji Choćebuz (4:2). Nětko čakaše pokalne koło. Dynamo bu druhemu zwjazkowemu ligistej Fortunje Düsseldorf přilosowany a měješe prawo doma hrać.
Dynamo startowaše z wjele wotmachom a dynamiku do hry. Fortuna njebě wuspěšna w dwubojach. Z tuteje přičiny sej Dynamo stajnje bule wudoby a hru dominowaše. Hižo w 4. min. pospyta Meißner z něhdźe 20 metrow wrota trjechić, ale kopny bul jenož snadnje nimo. Pjeć mjeńšinow pozdźišo samsny wobraz. Róžk wotprawa docpě Dafernera, tón pak bul z hłowu nimo zhłójčkowa. Po 17 mjeńšinach předrěchu so potom Meißner, Hauptmann a Daferner k wrotam. Naposledk mjenowany třěli bul krótko do róžka wrotow k 1:0.
Prěnje dypki za Radworčanow
ST Radwor –
ST Bart 3:1 (1:0)
Zestawa domjacych: Šěrak – B. Grubert, Omran, M. Dźisławk, Wjesela (80. Hetaš), Wjacławk (90. J. Pěčak), Nuk, Šnajder (86. Bischof), Mička, Glücklich, Wróbl (44. C. Dźisławk)
Prěnju domjacu hru noweje sezony we wokrjesnej lize přewjedźechu Radworčenjo přećiwo skerje njeznatemu mustwu z Barta doma w ródnej wsy. Přihot koparjow njeda Radworskich na jich dobyću přećiwo ST Bart dwělować. Jako faworića startowachu tež do hry.
Hra njebě ničo za słabe čuwy
ST 1896 Wulka Dubrawa –
Sokoł Ralbicy/Hórki 1:3 (1:2)
Za Ralbicy zasadźeni: Schöne – Schultz, B. Heidorn, Wałda, Mjechela (57. Matka), Rachela, Korjenk (85. Šołta), Hicka (71. L. Heidorn), Mikławšk (20. Žur), Gloxyn, Bejmak (90. T. Šiman)
W prěnim kole wubědźowanja wo wokrjesny pokal hrajachu Sokoljo we Wulkej Dubrawje. Na tamnišim hrajnišću su hač dotal w pokalowy turněrje přeco dobyli. Trenar Chistoph Gloxyn ze swójbnych přičin jězbu nastupił njebě, jeho zastupowaštaj kotrenar Antonius Wałda a nawoda mustwa Maik Brězan.
Njech je Michałej sokołska, serbska zemja lochka
„W Ralbicach je so jedyn hłós zhubił!“, z tutymi słowami započinaše knjez farar Michał Nawka sobotu dopołdnja swoje prědowanje, jako přiwuzni a přećeljo ze sylzami we wočomaj w kopaće połnej cyrkwi na njeboh Michała Čóšku spominachu. Michała sy w Ralbicach w zašłych 58 lětach nimale kóždy dźeń widźał a słyšał. Hdźež wón bě, běše tež žiwjenje, wšudźe a stajnje je sobu zapřimnył. Wšojedne hač doma na wulkim statoku, něhdźe we wjesce, jako swěrny křižer abo w swojej druhej domjacej stwě – na Ralbičanskim sportnišću. Lětdźesatki dołho je „Michl“, kaž jeho wšitcy mjenowachu, swoje lubowane zjednoćenstwo Sokoł Ralbicy/Hórki sobu formował. Tajki wliw na sportowe zjednoćenstwo jenož mało čłonow měješe. Jako hrajer, trenar abo čestnohamtski pomocnik bě Michał přeco najwjetši fan a přiwisnik delanskeho sportoweho towarstwa. Njeličomne lóštne, ale tež chutne rozmołwy, primarnje na polu kopańcy, wostanu wšěm koparjam z Ralbic hišće dołho w pomjatku.
