Basketballisća Serbskeho gymnazija Budyšin (SGB) docpěchu w sakskim finalu starobneje skupiny II – 9. do 11. lětnik – wurisanja „Młodźina trenuje za olympiju“ w Kamjenicy 5. městno.
Po suwerenym dobyću regionalneho finala w Radworju w nowembrje 2016 (SN rozprawjachu), dojědźe sej minjenu srjedu šěsć basketballistow SGB na krajne finale do Kamjenicy. Před lětom běchu so ze 6. městnom wróćili, tydźenja wuskoči za hrajerjow wokoło kapitana Pětra Dźisławka pjate městno.