Rangelow FC Energiju wopušći
Dimitar Rangelow, kiž bě wot wšitkich akterow FC Energije Choćebuz jako jenički we wšěch štyrjoch najwyšich koparskich klasach Němskeje aktiwny a w kotrychž docpě wón w 135 winowatostnych hrach 51 wrotow, měł po přeću zamołwitych FCE jako identifikaciska wosobina a lubušk přihladowarjow pola FC Energije wostać a tam hišće lěto aktiwnje za bulom honić. To pak Bołhar nochce. „Rady bych dale w Choćebuzu hrał, ale nowy puć kluba, nětko z generaciskej změnu započeć a do přichoda hladać, je za mnje njezrozumliwy“, rjekny 37lětny aktualny „kopar lěta FC Energije“.
Mjez přiwisnikami woblubowany a česćeny hrajer chce w swojej domiznje w Bołharskej swoju aktiwnu karjeru zakónčić a so klětu zaso k FC Energiji Choćebuz wróćić, potom pak w hinašej funkciji. „Město Choćebuz, fanojo a sportowe towarstwo su za mnje dawno hižo wjac hač stacija w kopańcy“, kopar měni. Georg Zielonkowski
Widźał, słyšał, napisał (06.07.20)
Helski swar dóstach sej njedawno wot hnydom dweju sportoweju přećelow staršeho semestra: wot prěnjeho sobotu dopołdnja před sakristiju w Ralbicach, wot dalšeho njedźelu dopołdnja po Božej mši před Róžeńčanskej swjatnicu. Njedźelna huntora, kiž je so na moje rozžohnowanje a witanje ministrantkow a ministrantow hóršiła, pak sej hnydom konter zapopadny. Pječa běch přemjelčo rěčał a lěpje mikrofon wužiwać dyrbjał. Tukam pak kruće na to, zo njeměješe kemšer swój słuchanski nastroj sobu.
Wuslědki (06.07.20)
Kopańca w Braniborskej
2. wokrjesna klasa Južna Braniborska-juh
1. TSZ Čerwj.-běli Kósćebra 6 36 : 8 18
2. Módro-běli Sedlišćo 6 21 : 15 12
3. ST 1892 Carny Gózd 6 15 : 10 9
4. SJ Rólany II/Serchiń II 6 14 : 9 9
5. ST Zeleny Gózd 6 23 : 20 6
6. HZ Hóznja/Kóšyna II 6 13 : 44 6
7. VfB Klěśišća II 6 7 : 23 3
2. wokrjesna klasa Južna Braniborska-zapad
1. Eintracht Koßdorf 7 26 : 4 18
2. HZ Möglenz/Bönitz II 7 19 : 21 13
3. HZ Dobrjoług-Góstkow II 7 16 : 14 12
4. SV Linde Schönewalde II 7 24 : 20 11
5. HZ Mühlberg/Fichtenb. II 7 17 : 14 11
6. HZ Herzberg/Uebigau II 7 11 : 21 7
7. HZ Stechau/Sliwin III 7 11 : 18 6
8. HZ Kolochau/Malitschk. II 7 10 : 22 3
Tabulka dorosta
A-juniorojo, wokrjesna liga Južna Braniborska
1. HZ Ortrand/Frauendorf/Großkmehlen/Lindenau 10 50 : 19 2,70
2. HZ RW Łukow/TSG Lubnjow
10 39 : 13 2,70
3. HZ Grabin 10 41 : 17 2,10
4. HZ Lok Kalawa/ST Kalawa
10 32 : 17 1,80
5. HZ Sängerstadtregion 10 35 : 28 1,60
6. VFB Herzberg 68 10 35 : 44 1,20
7. TSG Lubin 65 9 20 : 21 1,11
8. VfB Hohenleipisch 9 24 : 37 0,78
9. SJ Rań 10 16 : 60 0,40
10. FC Łuchow II 10 19 : 55 0,30
Sport (03.07.20)
Bičwolejbul na přibrjohu
Při Bjerwałdskim jězoru přewjedu jutře a njedźelu tak mjenowany Beachcup. Wosomnaće cyłkow smě sobu hrać, 22 je so přizjewiło, kóžde mustwo hraje přećiwo kóždemu a w kóždym ma jedna holca na hrajnišću stać. Přihladowarjo dowoleni njejsu a kóždy wobdźělnik ma škitny nahubnik sobu měć. Dalše informacije pod www.sportfreunde-baerwalder-see.de
Zaso po Čornej horje kolesować
Přichodne soboty a njedźele je zaso móžno po Halštrowskej Čornej horje na čarje Black Mountain Bikepark kolesować. Wotewrjenski čas je kóždy dźeń wot 10 do 18 hodź. Prjed pak hač sej do Halštrowa dojědźeće, pohladajće na www.black-mountain-bikepark.de, hač tam wotewrjenska ampla zelenu swěcu pokazuje. Nimo toho je hišće wažne, zo trjebaja njepołnolětne dźěći dowolnosć staršeju, chcedźa-li tam jězdźić.
Dohraja pokalne koło
Zamołwići Zapadołužiskeho koparskeho zwjazka su w swojim online-wudaću terminaj za połfinalnej hrě wo wokrjesny pokal sezony 2019/2020 wozjewili. Tak přewjedu partiji předposledni kónc tydźenja lětnich prózdnin.
22.08. 15.00 TSV Wachau –
ST Horni kraj Sprjewja
Sport (02.07.20)
Kopańca w Braniborskej
1. wokrjesna klasa Južna Braniborska-juh
1. ST Askania Šipkow II 14 42 : 19 34
2. Eintracht Ortrand II 14 34 : 20 30
3. Chemija Carny Gozd II 14 53 : 22 26
4. Murjowske ST 13 20 : 13 24
5. SG Kroppen 13 27 : 18 23
6. FSV Guteborn 12 42 : 28 22
7. HZ Bukow/Čikecy II 13 29 : 38 18
8. Zły Komorowski FC II 13 37 : 38 16
9. ST Rań II 13 32 : 36 15
10. Čerwj.-běli Wormlage 13 16 : 43 14
11. Čerwjeno-běli Załgosć 13 29 : 36 11
12. TST Zeleny Gózd 13 19 : 39 6
13. Wjesne a ST Schraden 14 14 : 44 4
1. wokrjesna klasa Južna Braniborska-zapad
1. TST 1878 Sliwin II 13 50 : 15 28
2. SV Züllsdorf 12 30 : 24 24
3. Preußen Elsterwerda II 13 33 : 21 22
4. ESV Lok Falkenberg II 12 33 : 21 21
5. Gräfendorfer SV 12 39 : 29 21
6. FST Martinskirchen 13 26 : 23 21
7. SG Friedersdorf II 12 21 : 24 16
8. Natwar Oppelhain II 12 12 : 34 13
9. FC Bad Liebenwerda II 11 25 : 25 12
10. ST Čorno-běli Staupitz 12 19 : 38 12
11. VfB Hohenleipisch III 11 15 : 35 11
12. Kolochau/Malitschk. 11 11 : 25 6
2. wokrjesna klasa Delnja Łužica
1. TST Tšěšojce 9 39 : 14 24
2. Barklawske ST 9 33 : 16 19
3. SZ Žylow II 9 28 : 12 19
4. Dub Rogeńc II 9 30 : 13 18
5. FST Grodk II 9 38 : 25 15
6. Přezjednota Šlichow 9 19 : 23 11
7. ST Lutol/Wóseńk II 9 17 : 32 9
8. Grodkowske ST II 9 17 : 35 9
9. SZ Glinsk 9 20 : 19 8
10. HZ Hochoza/Prjawoz II 9 8 : 60 0
2. wokrjesna klasa Južna Braniborska-sewjer
1. SST Stara Darbnja II 10 50 : 6 25
2. HZ Jemjelica/Luboraz 10 53 : 14 25
3. ST Lubnjow 11 25 : 47 13
4. Přezjed. Kózłow-Gólsk 10 12 : 37 5
5. Módro-běli Kśawlica 9 7 : 43 4
2. wokrjesna klasa Južna Braniborska-wuchod
1. Natwar Großkmehlen II 7 26 : 9 15
2. Zeleno-běli Plessa 7 20 : 9 15
3. Módro-běli Lindenau II 7 23 : 10 14
Němskopazličenjo dóstanu spěšnu pomoc
Za wšě sportowe towarstwa, tež za Natwar Němske Pazlicy, časnik w koronapandemiji hinak tikota. Nimo profijowych dyrbja sej tež małe zjednoćenstwa hłójčku łamać, kak tónle spodźiwny čas bjez wjetšich blesurow přetraja. Najwjac sportowych zjednoćenstwow drje budźe bjez wjetšich hospodarskich ćežow dale eksistować. Towarstwa z wjetšim hospodarskim žiwjenjom pak dyrbja chutnje rozmyslować, kak móža financne deficity wurunać. Tak tež předsydstwo Natwara Němske Pazlicy, kotryž dyrbi wupady swojeje jónkrótneje struktury we wokrjesu Budyšin dla kompensować.
Skaskowčan před 30 lětami mjez nowopřichadami w Ralbicach był
3. julija 1990 pisachu Serbske Nowiny na sportowej stronje, zo maja w koparskich rjadach Sokoła Ralbicy/Hórki dwě zesylnjeni. Wot spočatka pražnika je za delanskich koparjow zaso wrotar Manfred Wencl ze Skaskowa zasadźeny. Wencl bě hižo raz w Ralbicach kopački šnórował, po tym pak zaso doma w Skaskowje. Maik Brězan je so z nim rozmołwjał.
Manfredo, sy so před někak 30 lětami druhi raz mustwu Sokoła Ralbicy/Hórki přidružił. Što běchu přičiny za změnu a hdźe sy hižo wšudźe w swojej karjerje hrał?
M. Wencl: Mój druhi hrajny čas w Ralbicach započa so 1. julija 1990. Z něhdźe 35 lětami běše to mój najrjeńši a najwuspěšniši. Nowaj trenarjej Beno Cuška a Ludwig Dinar staj mje runje tak wutrobnje witałoj kaž sobuhrajerjo a přiwisnicy. Zrosćechmy do kruteho cyłka. Podźěl na tym mějachu naše mandźelske a dźěći, z toho čerpachmy mocy, a wuslědk běše 1991 postup do wobwodneje ligi.
49. jěchanski a skakanski turněr
Wulke myto awtoweho domu Nowe Město Wojerecy GmbH a Wuchodosakskeje lutowarnje Drježdźany doby njedźelu w Kulowje Kristin Kuhn wot jěcharskeho towarstwa Am Geyersberg Kodersdorf na Agneće. Druhe městno wobsadźi Magdalena Šeferec z Kulowa na koble Kandeli a třeće Julia Schadock wot Konjaceho sportoweho towarstwa Wehnsdorf na koble Quimala.
Maturanća 27. koparski duel na Serbskim gymnaziju Budyšin dobyli
27. koparski dwubój mjez wučerjemi a maturantami Serbskeho gymnazija Budyšin (SGB) bě so z dobyćom 7:2 młódšeje generacije skónčił. Statistika dotalnych hrow z wida šulerjow wučinja nětko 20 dobyćow, tři njerozsudne wuslědki a štyri poražki.
Po wolejbulowej hrě mjez wučerjemi a dwanatkarjemi na SGB (SN wo tym rozprawjachu) slědowaše dwaj dnjej po tym tradicionalna kopańca. Bě to mjeztym 27. rozestajenje, kotrehož spočatki sahaja do lěta 1994. Šulerjo běchu dotal dźewjatnaće króć dobyli, nětko je dalši triumf k tomu přišoł.
Koparski duel wotmě so w sportowej hali Budyskeho Serbskeho šulskeho a zetkawanskeho centruma, dokelž bě tartanowa podłoha wonka po dešćiku ekstremnje hładka a strach zranjenja jara wulki. Dwanatkarjo nastupichu z dźesać hrajerjemi, wjetšina z nich su aktiwni koparjo. Wučerjo njemějachu tónraz žanoho aktera za wuměnu. Znowa wupomha Damian Bogusz, nětko sportowy wučer w Naunhofje pola Lipska.
Widźał, słyšał, napisał (30.06.20)
Njewšědne časy kazaja sej njewšědne naprawy a kreatiwne ideje. Wjele sportowych podawkow bu wotprajenych abo do nazymy přesunjenych. A smědźa-li tola być, da pod krutymi hygienowymi předpisami. Swobodny stat Sakska je aktualizowane postajenja wudał. Pod dypkom 10 steja wažne informacije za sportowe towarstwa a fitnesowe centery.
Nimo powšitkownych předpisow je kóždy sportowy zwjazk, tak tež wolejbulowy, hišće přidatne poručenje wudał. Porno znatym předpisam hygieny dyrbja wolejbulisća kóždy bul po treningu desinficěrować resp. dokładnje wučisćić. Je-li móžno, dyrbja trening abo dźělne zwučowanja wonka přewjesć. Za wubědźowanja płaći přeco hišće zakaz přihladowarjow. Tež mustwa maja na maksimalnu ličbu wosobow kedźbować. Tak je za kóžde jenož wěste mnóstwo trenarjow a zastaraćelow dowolene. Je to wužadanje za kóždeho jednotliwca.
