W Choćebuzu dźěłaja hižo wjacore tydźenje na nowonatwarje mustwa

Hižo wjacore tydźenje su wrobliki z łužiskich třěchow fifolili, zo budźe Claus-Dieter Wollitz pječa nowy trenar mustwa FC Energije Choćebuz. Wukubłany koparski wučer bu mjenujcy přeco zaso w delnjołužiskej metropoli a wokolinje widźany. To pak njeměješe ničo z angažementom pola FCE činić. Běchu to bóle priwatne přičiny, kotrež su 55lětneho často do Łužicy na wopyt wjedli. Minjenu srjedu pak dóstachu tukanja nadobo woprawdźitu cyrobu, jako přeprosy FC Energija medijowych zastupjerjow na nowinarsku konferencu. Ta wotmě so w awtowym domje sobustawa prezidija Hagena Ritzkowskeho. Na improwizowanym małym jewišću mějachu swoje městno nowy šeftrenar, sportowy nawoda Maximilian Zimmer a prezident FCE Sebastian Lemke.

Wšo na Wollitza přitrjechiło

Awtor dźensa Křesćan Korjeńk

„My smy dobyli, my smy dobyli ...“ tak drje by wčera nawječor po swjatkownym turněrje w Pěskecach klinčało. By, ale nažel druhi raz za sobu njeje. Cyle wěsće bě to wosebje za wuhotowarjow znowa njezwučena swjatkowna póndźela. Póndźela bjez koparskeho turněra, bjez tysacow přihladowarjow (po słowach dołholětneho komentatora Jurja Matki-seniora), bjez piwoweho woza a bjez wulkeho stana. Je ćežko nastajić teoretiske přemyslowanja, štó drje by sej lětsa pokal wudobył. Wěm jenož, zo so tam wobdźělace mustwa stajnje połnje koncentruja a je za kóždeho přěhračka słaby tróšt, hdyž hakle w třělenju jědnatkow podležiš a wšitcy će tróštuja. Snano by to było zaso raz lěto koparjow z Noweje Wjeski, wšako smy w poslednich lětach dosć dobre wukony docpěli – k cyle wulkemu wuspěchej nažel wjace dosahało njeje. A tu pohladam raz do stawiznow turněra: spočatnje njeběchmy jako wjeska pódla, tola njetraješe dołho a swójbne kontakty wobradźichu nam startowe městno. Podźakowali smy so potom z tym, zo wudobychmy sej na přeco legendarny pokal koparja.

Sport (21.05.21)

Freitag, 21. Mai 2021 geschrieben von:

Dynamo chce mišterstwo

Nowy druhi zwjazkowy koparski ligist Dynamo Drježdźany hraje jutře, sobotu, w 13.30 hodź. we Wiesbadenje wo mišterstwo w třećej koparskej lize Němskeje. Hladajo na dwaj dypkaj a dwanaće wrotow předskoka k Hansy Rostock dyrbjał koparjam ze sakskeje stolicy přećiwo mustwu SV Wehen Wiesbaden dypk dosahać.

Firmowy běh ma nowy termin

Sportowy klub Wojerecy je druhi nakład Krabatoweho firmoweho běha wo tři njedźele na 30. junij přesunył. Přičina je aktualna situacija. Přihoty pak dale běža, tak zamołwići Wojerowskeho SC. Na firmowym běhu dyrbi kóžde mustwo 20 kilometrow běžeć, pak z dwěmaj abo štyrjomi kilometrami na wobdźělnika. Loni bě w Čornym Chołmcu 222 sportowčow a sportowcow startowało.

Přewjedu probowe treningi

Z domjacym dobyćom sej o postup zawěsćili

Donnerstag, 20. Mai 2021 geschrieben von:

3. liga, aktualna tabulka

1. Dynamo Drježdźany 37 60:29 72

2. FC Hansa Rostock 37 51:32 70

3. FC Ingolstadt 04 37 53:39 68

4. TSV 1860 Mnichow 37 68:32 66

5. 1. FC Saarbrücken 37 66:49 59

6. ST Wehen Wiesbaden 37 57:52 56

7. SC Verl 37 65:54 54

8. SV Waldhof Mannheim 37 49:54 51

9. 1. FC Magdeburg 37 41:44 50

10. Viktoria Köln 37 51:58 50

11. Halleski FC 37 50:58 49

12. FSV Zwickau 37 44:45 48

13. Türkgücü Mnichow 37 44:54 46

14. MSV Duisburg 37 51:65 43

15. 1. FC Kaiserslautern 37 46:51 42

16. KFC Uerdingen 05  37 37:49 40

17. SV Meppen  37 35:60 38

18. Bayern Mnichow II 37 47:57 37

19. VfB Lübeck (N) 37 40:56 34

20. SpVgg Unterhaching 37 39:56 31


Dynamo Drježdźany – Türkgücü Mnichow 4:0 (2:0)

Zestawa domjacych: Broll – Ch. Löwe (60. Kwadwo), Knipping, Ehlers, Meier (46. Vlachodimos), Kade, Stark, Diawusie (46. Kreuzer), Mörschel (74. Stefaniak), Königsdörffer (56. Hosiner), Daferner

Minjenu njedźelu móžachu koparjo Dynama Drježdźany z dalšimi třomi dypkami postup do druheje ligi perfektny sčinić. To je so jim z jasnym dobyćom 4:0 zešlachćiło. W spočatnej fazy duela drje bližeše so Türkgücü Mnichow dwójce strašnje Drježdźanskim wrotam. Ale ani Yi-Young Park z wólnym kopom (5.) ani Kilian Fischer po flance (14.) njemóžeštaj přetworić.

Prominentna 2. liga

Donnerstag, 20. Mai 2021 geschrieben von:

Do poslednjeho hrajneho dnja w druhej a prěnjej zwjazkowej koparskej lize, ale tež po tym njebudźe hišće cyle jasne, kajka ma doskónčna zestawa druheje zwjazkoweje ligi za sezonu 2021/2022 wupadać. Mjez prěnjej ligu a druhej kaž tež mjez druhej a třećej ligu dyrbja hišće relegaciske hry přewjesć. W druhej najwyšej klasy za nowu hrajnu dobu wěsće zastupjene su dotal slědowace cyłki:

FC Schalke 04

Fortuna Düsseldorf

Hamburgski SV

1. FC Heidenheim

Karlsruheski SC

SV Darmstadt 98

FC St. Pauli

SC Paderborn 07

Hannover 96

1. FC Nürnberg

Rudne horiny Aue

Dynamo Drježdźany

Z prěnjeje ligi zestupić móhli hišće Arminia Bielefeld, Werder Bremen a 1. FC Köln. Wo postup z třećeje do druheje ligi wojuja Hansa Rostock, FC Ingolstadt a TSV 1860 Mnichow. Přewjesć maja so w nowej sezonje w druhej lize cyłkownje 306 dypkowych hrow a štyri relegaciske partije. David Matik

Młode Liški hižo zaso trenuja

Mittwoch, 19. Mai 2021 geschrieben von:

Wot spočatka apryla hač do spo­čatka meje mějachu wšitke juniorske mustwa Łužiskich lodohokejowych liškow­ přestawku. A dokelž tež prěnje mustwo Běłowodźanow wjace njehraje, dachu zamołwići 12. jutrownika w liščej jamje lód wottać.

Spočatk meje započachu wšitke młodźency z lěćnym treningom. Dwaj mě­sacaj dołho zwučuja woni nětko wonka abo w sportowej hali, prjedy hač póńdu spočatk julija zaso na hrajnišćo w swójskej lodowej arenje.

Planowane je, zo trenuja wotnětka ­starobne skupiny U 9 dwójce wob tydźeń, U 11 trójce a tamne (U 13/U 15/U 17/U 23) hižo­ štyri razy w běhu sydom dnjow, tak zo­ najwažniše fitnesowe zakłady polěp­ša.

Skupinje U 9 a U 11 matej stajnje hłow­neho trenarja a třoch pomocnikow. Dwě mustwje U 13 matej wobě jednoho šefnazwučowarja. Team U 15 ma přez lěćo­ hnydom dweju trenarjow. Jedyn zamoł­wja fitnesowy wobłuk a wobłuk wokoło muskulatury, tamny atletiku. Třo dalši kolegojo pomhaja jako nazwučo­warjo lodohokeja. Tež U 17 a U 23 matej wobě po jednym šeftrenarju.

Kooperacija z ELV Niskej w nowej lodohokejowej sezo­nje wjace njebudźe.

Wuchodoněmske mišterstwa U 15 2020/2021 – hłowne koło

Składnostnje tuchwilnych wuradźowanjow Mjezynarodneho olympiskeho komiteja z organizatorami olympiskich hrow su w japanskej stolicy wčera přećiwo přewjedźenju hrow demonstrowali. Minjeny kónc tydźenja běchu městu peticiju z 350 000 podpismami přepodali. Z njej sej žadaja hry koronapandemije dla znowa přestorčić. Foto: pa/Koji Sasahara

Faworit dale po puću do finala krajneho pokala

Dienstag, 18. Mai 2021 geschrieben von:

Dynamo Drježdźany – Biskopičanske KT 08 2:0 (0:0)

Zestawa domjacych: Kiefer – J. Meier (46. Weyh), Hollenbach (58. Königsdörffer), Kühn, Kreuzer, – Oehmichen, Kulke, Großer, – J. Löwe (33. Stefaniak) – Harres, Sohm

Zestawa hosći: M. Schneider – Čermák, Fromm (90. Meinel), Sanin (60. Jacob), Kießling, Fluß, Stiller (80. Valenta) – Moravec, Stradins, Schiemann, Genausch

Minjenu srjedu wojowaštej zastupjer koparskeje třećeje ligi Dynamo Drježdźany a regionalny ligist, Biskopičanske KT 08, wo zaćah do połfinala krajneho pokala. Duel je faworit ze sakskeje stolicy po dołhim boju z 2:0 za sebje rozsudźił. Drježdźanski trenar Alexander Schmidt daše rezerwu respektiwnje tež dorostowych koparjow Phila Harresa, Jonasa Oehmichena a Lorenza Hollenbacha hrać. Alexander Schmidt z prěnjej garnitury Dynama nastupić nochcyše, dokelž dyrbješe předwčerawšim, njedźelu, wo postup do druheje ligi sobu hrać. Dokelž njeje žane dalše zranjenja stajnych akterow we tutej horcej fazy riskěrować chcył.

Hori so za motorski sport

Dienstag, 18. Mai 2021 geschrieben von:

Žonow, kotrež so za motorske horja, je tež w Serbach dźeń a wjace­. Jedna z nich je samo swój hobby k powołanju sčiniła: Andrea Thielec. Mnohim je wona w Serbach znata jako něhdyša čłonka młodźinskeje redakcije Serbskeho rozhłosa. Rodźena Šunowčanka bydli mjeztym dźesać lět w Mnichowje a dźěła tam w marketingu za wulku bayersku awtomo­bilowu firmu. Wona zamołwja móhłrjec dožiwjenski mar­keting po cy­łej Němskej. Zajim na spěšnych mašinach je so­ pola njeje poměrnje zahe zbudźił. Běchu to spočatnje wosebje do­ži­­wjenja motocrossa w Jaworje. Tak prawje započała za mo­torske horić pak je so z 18 lětami, jako złoži jězbnu dowol­nosć za awto a motorske. W lětach po tym je z motorskim na do­wolu była, mjez druhim w Italskej, Chorwatskej a samo w afriskim Marokku. Wot lětušeho chce so Andrea Thielec hišće intensiwnišo do aktiwneho motorsporta zanurić, kaž je Clemensej Šmitej powědała.

Wšojedne hač w enduroklasy abo w motocrossu, Andrea Thielec, Wy sće so w najwšelakorišich motorskich disciplinach hižo­ wuspytała. Mjeztym pak najradšo po motorskich čarach na čas smaliće!

FC Energijama prěnjej nowopřichadaj

Montag, 17. Mai 2021 geschrieben von:

Regionalny ligist FC Energija Choćebuz najebać dočasny kónc w krajnym pokalnym kole pilnje na zestawje noweho kadra dźěła. Jako prěnje koparski klub wozjewi, zo přińdźe kapitan Berlinskeho AK (BAK) Shawn Kauter jako nutřkowny škitar do Choćebuza. Jeho bilanca je wjele lubjaca. 25lětny bě w třećej lize dotal 37 króć zasadźeny a w štwórtej najwyšej lize Němskeje 129 razow. Jan Koch, kiž je zrěčenje z Energiju podlěšił, so na nowopřichad wosebje wjeseli. Wón znaje Kautera ze sezony 2018/2019, jako staj „zhromadnje pola BAK hrałoj a w škiće prima harmoněrowałoj“.

Anzeige