W Zejicach poswjeća tutu njedźelu pomnik za třoch duchownych, kiž su so tam narodźili. To su kanonik Jakub Šuba (1747-1819), kanonik Michał Buk (1804-1865) a prelat a čestny kanonik Jakub Buk (1825-1895). Wo tym je so Weronika Žurowa z Jurjom Špitankom rozmołwjała.
Štó je postajenje pomnika iniciěrował
J. Špitank: Zaběram so sam hižo jara dołho z wjesnymi stawiznami. Jako Zejičanske wjesne zhromadźenstwo smy so nětko dojednali, zo pomnik postajimy. Jakub Buk je so před 200 lětami narodźił a před 130 lětami zemrěł. Spočatnje myslachmy na wopomjatnu taflu, potom pak rozsudźichmy so za pomnik wosrjedź wsy, kotryž wšěm třom wěnujemy. Smy so wo spěchowanje Maćicy Serbskeje a Towarstwa Cyrila a Metoda (TCM) prócowali a je přizwolene dóstali.
Štó tući mužojo běchu?
