Zapósłane (03.03.21)

Mittwoch, 03. März 2021
Artikel bewerten
(0 Stimmen)

Chrystofer Wjenka z Konjec wěnuje so kri­tice Benjamina Hrjehorja z Wiena na nastawk dr. Pětra Nawki w SN z 23. februara:

Česćeny knježe Hrjehorjo, čitajo Wašu kritiku na knize „Swjate su mi twoje hona“ dr. Křesćana Kessnera a na recensiji dr. Pětra Nawki su mi sprawnje prajene słowa falowali. Rěč Kessnera wo psychologiskim archetypusu Serbow zjawnje w nowinje jako rasizm wuwołać a k tomu hišće fašistiskej rasowej ideologiji nacionalsocialistow přirjadować je wjace hač jenož „dyr z heju“. Je to prosće lózyskosć.

Njewěm, hač je Wam to wědome, ale jedna so wo jasny rozdźěl mjez postu­lowanjom psychologiskeho archetypusa ludu a propagowanjom ludoweje rasoweje čistoty, kaž to fašisća činjachu. To poslednje so mjenujcy pola dr. Kessnera na žane wašnje njejewi. Wšako njewužiwa wotpowědny wokabular, a po zmysle wón něšto dospołnje hinaše hač etniju měni.

Veröffentlicht in Zapósłane
Bitte anmelden, um einen Kommentar zu posten

Serbska debata

Neuheiten LND