Nur-Sultan (B/SN). Prěni raz wobdźěli so bamž Franciskus na kongresu wjednikow swětowych a tradicionelnych nabožinow, zo by wón na mjezy mjez wuchodom a zapadom, mjez Aziskej a Europu posrědkował poselstwo přećiwo hidźe a wójnje, za měr a swobodu nabožinow, za wjace runoprawnosće a za mjezynabožny dialog. Bamž zwurazni, zo „njejsu nabožiny žadyn problem, ale dźěl rozrisanja. Bóh woznamjenja měr a wjedźe stajnje k měrej, ženje k wójnje“. W ludnosći Kazachstana hraje křesćanska nabožina podrjadowanu rólu. 70 procentow wobydlerjow Kazachstana su muslimojo.

Kritika na němskich biskopach

Berlin (dpa/SN). Předsyda frakcije SPD w zwjazkowym sejmje Rolf Mützenich z toho wuchadźa, zo planowany popłatk na płun zaso zběhnu. Ludźo móža „z wěstosću“ z toho wuchadźeć, zo njeje popłatk „prawy srědk“. Wón na to pokaza, zo by popłatk wot 1. oktobra płaćiwy był, tola so hakle 31. oktobra zběrał. Tuž je hišće dosć maćizny k diskutowanju. Financny minister Christian Lindner (FDP) popłatk tohorunja wotpokazuje.

Wo ruskich muži njerodźa

Bratislava/Praha (dpa/SN). Mjeztym zo w Němskej hišće wo tym diskutuja, je Słowakska jako susodny kraj Ukrainy připowědźiła, zo nochce ruskich muži přiwzać, kotřiž wójnsku słužbu wotpokazuja. Słowakska spožča dale wizumy z humanitarnych přičin, zapowědźenje wójnskeje słužby pak k tomu njeliči, zdźěli rěčnik wonkowneho ministerstwa. W Čěskej a Pólskej widźa to runje tak. Čěski prezident Miloš Zeman žada sej porno tomu, jich kaž druhich ćěkancow přiwzać.

Lětadłonošak USA dojěł

Neustrelitz/Nowy Strělic (WeM/SN). Mecklenburgsko-předpomorske mě­­sto Neustrelitz je po lětdźesatkach zaso raz do­žiwiło kwas zemjanskeho domu, kotryž ma zapadosłowjanske korjenje. Ge­­org Alexander Herzog zu Mecklenburg (31) a Hande Herzogin zu Mecklenburg (29) staj sej w měšćanskej cyrkwi prajiłoj „Haj!“ za zhromadne žiwjenje. W juniju toho lěta běštaj so hižo stawnisce zmandźeliłoj a bydlitaj w Rotterdamje w Nižozemskej. Za cyrkwinske wěrowanje je so swójba rozsudźiła za město prjedownikow w Mecklenburgskej. Prawótc nawoženje wójwody Georga Alexandra zu Mecklenburg-Strelitz je sławny obodritski słowjanski wjerch Niklot ze Zwěrina (Schwerin), kiž bě w lěće 1160 při wojowanju přećiwo zadobywarjam němskeho wójwody Hendricha Lawa (wok. 1130– 1195) žiwjenje přisadźił. Něhdźe 500 ludźi je sobu dožiwiło katolske wěrowanje, kotrež je so trojorěčnje wotměło – w jendźelskej, němskej a zdźěla tež nižozemskej rěči. Nimale na kóncu mšě su kwasarjo a wosada mjeńšinu wopominali njedawno zemrětu jendźelsku kralownu Elisabeth II. (1926–2022), wšak ma jendźelska kralowska swójba wot 18.

Rom (dpa/SN). Prěnje wuličenja při wólbach parlamenta w Italskej su jasne dobyće prawicarskeho lěhwa wokoło prawicarsko-radikalneje strony Fratelli d‘Italia wobkrućili. Strona z předsydku Georgiju Meloni dósta po wobličenjach sćelaka Rai 24,6 procentow hłosow do senata a móžeše so porno wólbam 2018 jasnje polěpšić, jako dósta runje 4,3 procenty. Koaliciscy partnerjo pak su w nahladnosći wobydlerjow jasnje popušćili. Prawicarsko-populistiska Lega dósta 8,5 procentow hłosow (2018: 17,6), konserwatiwna Forza Italia přińdźe na wosom procentow (2018: 14,4). Wšitke daty na to pokazuja, zo změje zwjazk prawicarskich stron absolutnu wjetšinu w senaće kaž tež w domje zapósłancow.

Italscy socialdemokraća su swoju wólbnu poražku mjeztym přiznali a chce­dźa wotnětka w opoziciji skutkować. Frakciska předsydka Debora Serracchiani rěčeše wo „zrudnym dnju za Italsku“.