Šoferow do jězoriny wodźić

Mittwoch, 20. Dezember 2017
Artikel bewerten
(0 Stimmen)

Wodźenski system pućow za motorizowany wobchad we łužiskej jězorinje ma nastać. Po słowach jeho jednaćela Daniela­ Justa zaměrowy zwjazk Łužiska jězorina Sakskeje dale na tym dźěła.

Hory (AK/SN). „Dźe wo to, šoferow z awtodróhi zaměrnje do jězoriny wodźić. Za to nastajimy na 34 městnach pokazowaki a informaciske tafle“, rozłoži jednaćel Just na njedawnej zwjazkowej zhromadźiznje na Horach.

„Kónc awgusta běchu dźěła wupisali, w oktobrje su TDE Srjedźoněmskej serwisowej towaršnosći zwr Espenhain nadawk dali projekt zwoprawdźić. 13. nowembra wobhladachu sej wšitke stejnišća, prěnje fundamenty chcedźa hižo bórze stajić“, Daniel Just rozłoži. Zdobom staraja so w tym zwisku wo to, wuhotować měšćansku wobjězdku Wojerecy-wuchod z hamtskimi taflemi „Łužiska jě­zorina“. Zaměrowy zwjazk je plan přisłušnym zarjadam­ za přizwolenje zapodał a so nadźija,­ zo jón spěšnje wobdźěłaja.

Veröffentlicht in Hospodarstwo
Bitte anmelden, um einen Kommentar zu posten

Anzeige