Tež we Wojerecach přichodnje kulinarisce po puću być
Wojerecy (AK/SN). Ze směrodajnym programom „Wojerecy słódnje dožiwić“ poskića turistiska informacija Łužiska jězorina wotnětka kulinariske wodźenje po měsće. Něhdźe dwě a poł hodźinje móža ludźo po starym měsće pućować. „Móžachmy wosom partnerow za to zdobyć. Ćežišćo tworja tradicije a rjemjesło. Po wotpowědnych pućach hodźa so štyri stacije wopytać“, podšmórnje Laura Schmidt, kotraž nawjeduje Wojerowsku turistisku informaciju w nošerstwje mjezy přesahowaceho turistiskeho zwjazka Łužiska jězorina. Hosćićeljo kulinariskeho pućowanja su winowy a šokolodowy wobchod Wojo, rěznistwo Franka Sinapiusa, rěznistwo Daniela Dubauwa, čajowy a zelowy wobchod Meyer, pjekarnja André, Łužiska woleńca, kofejownja Rosalie a hosćenc Mulino w hotelu „K młynej“.
