Štomiki na wuběr Empfehlung

Mittwoch, 11. Dezember 2019
Artikel bewerten
(0 Stimmen)
Na swójskej ležownosći w Konjecach plahuje Jan Šołta ze swójbnymi hodowne štomy . Lětušeje suchoty w lěću dla drje su jehlinowcy chětro ćerpjeli, přiwšěm maja Šołćicy za kupcow dosć rjanych eksemplarow na wuběr. Foto: Feliks Haza Na swójskej ležownosći w Konjecach plahuje Jan Šołta ze swójbnymi hodowne štomy . Lětušeje suchoty w lěću dla drje su jehlinowcy chětro ćerpjeli, přiwšěm maja Šołćicy za kupcow dosć rjanych eksemplarow na wuběr. Foto: Feliks Haza

Budyšin (SN/BŠe). Najebać wulku suchotu w lěću a dale wupřestrěwace so škódniki w lěsach budźe lětsa dosć hodownych štomikow k dispoziciji, wobkrući tele dny sakski ratarski minister Thomas Schmidt (CDU) k zahajenju lětušeje se­zony. „Nichtó njetrjeba so hodowneho štomika wzdać abo sej hladajo na škit lěsa­ plastikowy štom kupić.“

Za mnohe swójby je jedyn z doho­downych wjerškow, sej swój štomik wuzwo­lić. W Konjecach předawa lětsa znowa Šołćic swójba hodowne štomy, kotrež­ na swójskej­ ležownosći plahuja. „Lětsa drje su suchoty dla chětro ćerpjeli. Za kupcow pak mamy dosć na wuběr a móža sej je sami wuzwolić“, Regina Šołćina přilubja.

Kaž lěsni fachowcy zdźěleja, je suchota wosebje žiwjensku móc štomow wob­wliwowała. Předewšěm nalěto sadźane su potrjechene, wšako nimaja hišće dosć do hłubokosće sahacych korjenjow. W lěću je něhdźe 50 procentow sadźenkow zahinyło. Starše štomy su suchotu lěpje přetrali. Najwjac z nich je wosom do dwanaće lět rostło, zo maja nětko prawu wulkosć hodowneho štomika.

Veröffentlicht in Hospodarstwo
Bitte anmelden, um einen Kommentar zu posten

Anzeige