Wo starće do noweje sezony rěčeć nawodnica Turistiskeho zwjazka Błóta Annette Ernst hladajo na wobstajne zymske poskitki nochce. Jutry pak mjenuje wona prawy zazběh do nalěća.
Raduš/Bórkowy (SN/at). Błóta su na turistow přihotowane. To snadź při Bórkowskim Sprjewinym přistawje najbóle napadnje. Wšako přetwarjena terasowa kofejownja zaso hosći wita. „Přewjele čołmowanjow dotal knihowanych njeje, tuž nadźijamy so k jutram dnjowych turistow“, rjekny Jennifer Neubert z přistawa.
