Budyski zawod je hladajo na wukubłanje z wulkim přikładom

Budyšin (CS/SN). Štyrjoch wučomnikow elektromišter Frank Scholze z Budyšina tuchwilu wukubłuje. Dwaj z nich měještaj wčera swój prěni wukubłanski dźeń, mjez nimi Sebastian Hanusch z Budyšina. Wučomnicy nawuknu powołanje elektrotechnikarja w fachowym směrje energijoweje a twarskeje techniki. Wot załoženja swojeho zawoda w lěće 1993 je Frank Scholze mjeztym cyłkownje 26 wučomnikow wukubłał. Tutón wukon je připóznaća hódny. Tohodla spožči jemu Drježdźanska rjemjeslniska komora wuznamjenjenje „Přikładny wukubłanski zawod 2021“. Myto so kóžde lěto spožči. Z Drježdźanskeho komorneho wobwoda je 26 zawodow požadane wuznamjenjenje dóstało, mjez nimi su pjećo z Budyskeho wokrjesa. Nimo Šołćic elektroinstalaciskeho zawoda stej to pjekarni, blidarnja a metalotwarski zawod.