Njedostatk wody zamołwitych přewšo wužada

Montag, 14. November 2022
Artikel bewerten
(0 Stimmen)

Choćebuz (SN/at). Politisce wobzamknjeny kónc wudobywanja a zmilinjenja brunicy njeje přičina za hrožacy njedostatk wody we Łužicy. Na to je wobswětowa syć Zelena liga na posedźenju braniborskeho brunicoweho wuběrka minjeny štwórtk w Choćebuzu skedźbniła a so tajkim předstajenjam znapřećiwiła. Při tym měješe Wobswětowy zwjazkowy zarjad (UBA) poboku. Tón je na posedźenju brunicoweho wuběrka mjezystaw wot njeho do nadawka dateho posudka „Wodohospodarske sćěhi kónca wudobywanja brunicy we Łužicy“ předstajił.

„Wobswětowy zwjazkowy zarjad je nam wuraznje wobkrućił, zo je přisunjenje zamołwitosće za wočakowane wodowe połoženje wustupej z brunicy zabłudźawe a wěcownje wopak. Hladajo na zamylacy titl posudka wočakujemy tež zjawnje jasnu komunikaciju w tymle prašenju“, rjekny Renej Šuster, zastupjer wobswětowych zwjazkow we wuběrku.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND