Na wčerawšu premjeru noweho serbskorěčneho hrajneho filma witaše nawodnica Budyskeho Rěčneho centruma WITAJ, dr. Beata Brězanowa (srjedźa), w bohatej ličbje přichwatanych hosći kaž tež tych, kotřiž mějachu zhotowjenje filma na starosći. Wona předstaji jim synchronowych rěčnikow a zamołwitych, kotřiž su film přihotowali a technisce wobdźěłali. Foto: Jan Kral
Nowy serbskorěčny hrajny film premjeru dožiwił
Chrósćicy (JK/SN). Byrnjež lodohokej w Serbach njehrał tak wulku rólu kaž w Kanadźe, zamó jednanje a zmysł noweho serbskorěčneho hrajneho filma na wčerawšim premjernym předstajenju w Chróšćanskej „Jednoće“ na přeswědčace wašnje nimale sto hosći zahorić.