Dźěći w „Chróšćan kołću“ poskitki rady přijimuja
Chrósćicy (SN/MiR). Nowa koncepcija kubłanja w Chróšćanskim dźěćacym dnjowym přebywanišću „Chróšćan kołć“ so derje přijimuje. Wosebje dźěći waža sej wotměnu w běhu tydźenja. Tole zhonichu čłonojo Serbskeho šulskeho towarstwa na swojej lětušej hłownej zhromadźiznje sobotu w Chróšćanskej „Jednoće“. Kubłarce Helena Kralec a Sandra Rachelic zapřiještaj přitomnych aktiwnje do předstajenja koncepta. „Běše to prěni króć, zo na tajkim zeńdźenju aktiwnje tež kubłarki jako přednošowace skutkuja“, rjekny předsydka SŠT Ludmila Budarjowa, „štož mam za jara skutkowne.“
Helena Kralec a Sandra Rachelic po-daštej dohlad do praktiskeho dźěła. W Chrósćicach złožuja so na princip dospołneje rěčneje imersije, to rěka cyły dźeń rěča w zarjadnišću serbsce. Z tym přinošuja kubłarki a kubłarjo k wysokemu wuwiću rěčneje kwality dźěći. Helena Kralec zwěsći, zo je „w běhu zańdźenych dźesać lět je ličba maćernorěčnych a měšanorěčnych dźěći na kubłanišću poměrnje konstantna wostała“.