×

Nachricht

Failed loading XML...

W zajimje stroweho wobswěta po puću

Freitag, 22. Juni 2018
Artikel bewerten
(0 Stimmen)
Nawod projekta UNESCO-šulow mataj hač do njedźele Ralbičanskaj wučerjej Fran ciska  Wróblowa (stejo, naprawo) a Michał Wałda (nalěwo).  Foto: Jan Kral Nawod projekta UNESCO-šulow mataj hač do njedźele Ralbičanskaj wučerjej Fran ciska Wróblowa (stejo, naprawo) a Michał Wałda (nalěwo). Foto: Jan Kral

Budyšin/Ralbicy (JK/SN). Dalši zhromadny projekt UNESCO-šulow su wčera w Budyšinje zahajili. Zamołwitaj wučerjej hosćićelskeje Ralbičanskeje šule Fran­ciska Wróblowa a Michał Wałda witaštaj wučerjow a šulerjow z Lipska, Münstera a Grevenbroicha. Hač do njedźele chcedźa so z tym rozestajeć, kak so ratarstwo na wuwiće klimy a wobswěta wuskut­ku­je, a chcedźa pytać za móžnosćemi, kak hodźitaj so čłowjek a přiroda ze strowym wobswětom a zmysłapołnym ratarjenjom škitać. W přichodnych dnjach wopytaja wobdźělnicy mjez druhim ratarske zawody wšelakich hospodarskich formow a zeznajomja so w Njebjelčicach, Hrańcy a Nuknicy z produkciskimi wašnjemi tamnišich předewzaćow skótneje produkcije. Z toho chcedźa sej zdobyć dohlad a wědu wo škiće klimy a wobswěta z ekologiskimi a přirodnymi formami ratarjenja. Nimo toho chcedźa wšelake formy hospodarjenja a jich wuskutki na rolu, přirodu a wobswět přirunać. Bjezposrědni wuskutk toho dodnja sej z probami pódy, kotrež na polach ratarskich zawodow bjeru. W Ralbičanskej šuli proby jutře wuhódnoća.

Veröffentlicht in Kubłanje
Bitte anmelden, um einen Kommentar zu posten

Serbska debata

Neuheiten LND