Wyšeho ligista runje tak přewinyć móhli

Montag, 03. August 2020
Artikel bewerten
(0 Stimmen)
 Elias Bethke  Foto:  Georg Zielonkowski  Elias Bethke Foto: Georg Zielonkowski

VfB 1921 Kśišow

– FC Energija Choćebuz 2:3 (1:2)

Za Energiju hrajachu: Bethke – Florian Brügmann (46. Hasse), Storb, Koch (46. Jarosch), Borgmann, Pelivan (46. Erlbeck), Niklas Geisler, Mäder (46. Felix Brügmann), Gladrow (46. Kujovic), Hoppe­, Stettin.

slěd wrotow: 0:1 Stettin (22.), 0:2 Koch (33.), 1:2 Hebler (35.), 2:2 Zurawsky (62.), 2:3 Hoppe (63.)

Před wrotami města Choćebuza ab­solwowaše regionalny koparski ligist FC Energija dalši test. Přećiwo klasu niže hrajacemu wyšemu ligistej pak poradźi so jeje hrajerjam jeno snadne dobyće 3:2. Woni drje třělichu nawjedowanje, to pak w rjadach hosćićela wulki zaćišć nje­za­wostaji. Minutu po wurunanju 2:2 pak zawěsći Marcel Hoppe Choćebužanam na kóncu zasłužene dobyće. Wrotar Elias Bethke (dotal U 19 FC Energije) je z wja­corymi wulkimi paradami snadne do­by­će za FCE wuchował.

Krótko do testoweje partije wozje­wi FCE nowopřichadaj. W kazachskim Pawlodaru rodźeny Max Kremer, wón je sydom lět za SV Meppen kopački šnórował, bě jedyn z tych, kiž stejachu na lisćinje tych koparjow, kotrychž bě sej sportowy nawoda Sebastian König přał. „Max móže ze swojimi nazhonjenjemi wažnu rólu hrać“, měni König.

Krótko do toho podpisa dalši srjedźopólny hrajer Janik Mäder zrěčenje w Choćebuzu. 23lětny kopar na křidłomaj je so najebać dalše poskitki (na přikład Kamjeničanskeho FC) za Energiju rozsudźił. Do toho bě Mäder­ w juniorskich zwjazkowych ligach za RB Lipsk hrał a w lěću 2016 k ZFC Meuselwitzej w regionalnej lize­-sewjero­wuchod šoł. W hrajnej dobje 2018/2019 při­zam­kny so wón třećemu ligistej FSV Zwickau. W regionalnej lize docpě Mäder w 82 partijach cyłkownje šěsć wrotow, spřihotowa 14 wrotow a hraješe dotal­ 14 razow w třećej lize. Georg Zielonkowski

Veröffentlicht in Sport
Bitte anmelden, um einen Kommentar zu posten

Anzeige