Hudźbna šula formuje jako městno kubłanja, wuměny a budźenja zahoritosće hižo 75 lět kulturne žiwjenje w regionje

Wokrjesna hudźbna šula Budyšin swjeći lětsa swój 75lětny jubilej. Wot 1951 formuje kubłanišćo kulturne žiwjenje we wokrjesu sobu a přewodźa generacije dźěći, młodostnych a dorosćenych na jich hudźbnym puću. Mnohim ludźom je wjace hač jenož městno wučby. Jubilej z mnohimi akcijemi, koncertami a wosebitymi projektami w běhu lěta woswjeća. Tak wuhotuje wobłuk jazz-rock-pop zajutřišim „Lětny koncert“ w Kamjencu. Dźeń pozdźišo slěduje „Njedźelski koncert“ w Budyšinje. Centralna swjatočnosć wotměje so klětu, runje tak kaž přećah do noweho twarjenja, kotrež ma hudźbnej šuli přichodnje lěpše wuměnjenja skićić.

Kak jara wokrjesna hudźbna šula žiwjenske puće postaja, pokazujetej přikładaj dweju tam wuwučowaceju. Anja Konjen­ a Sabina Kowollik běštej hižo jako dźěsći tu na wučbu chodźiłoj. Po studiju so jako pedagogowce nawróćištej. Kathrin­ Göpel je so z nimaj rozmołwjała.