Dwanaće koparkow z dwanaće sportowych towarstwow je sobotu w Flöha za wubranku Zapadołužiskeho koparskeho zwjazka (WFV) hrało. Nominowana bě tež jědnaćelětna Radworčanka Marie Šnajdrec: „To běše turněr za wjacore holče wubranki, na přikład z Mišna, Lipska, Drježdźan atd. My mějachmy dwě mustwje: zelene a čorne. Ja hrajach w čornym mustwje. Zelene mustwo docpě jědnate městno a my prěnje. Před něšto tydźenjemi dóstach přeprošenje na trening wubranki. Smědźach swoje kmanosće pokazać. Tam bě wjele druhich holcow w mojeje starobnej klasy. Trenarjo su hladali, kak derje kopańcu hrajemy. Na kóncu běchu woni wo mni přeswědčeni a su mje na tutón turněr přeprosyli. To bě za mnje wulka česć a zdobom je so mój són spjelnił.“