Sokoł Ralbicy/Hórki – Rakečanske ST 2:0 (1:0)

Zestawa domjacych: Schöne – Wałda, Rawš, Mikławšk, Šewc, B. Heidorn, Mjechela, N. Šnajder (87. J. Šołta), Hicka, A. Woko, L. Heidorn (90. Čórlich)

Na dnju maćerje witachu Ralbičanscy Sokoljo susodow z bliskich Rakec. Byrnjež to tohorunja derby był, njemóže so wón z derbyjomaj přećiwo Kulowej a Chrósćicam přirunować. To so prosće tež w ličbje přihladowarjow wotbłyšćuje. Hru w Rakecach běchu Sokoljo jasnje 1:3 (0:1) přěhrali a chcychu tuž doma lěpši wukon pokazać. W tabulce dźělachu mustwje do hry jenož tři dypki.