SJ Njebjelčicy – KT Ottendorf-Okrilla II 2:2 (1:0)
Zestawa domjacych: Hahn – Werš, F. Domš (60. A. Reinecke), Hanusa, Plaettner, Korjeńk, Hrjehor, Herrmann, Rudolf, Lehmann (60. Kral), Matješk (87. Heymann)
To bě jěra poražka w boju wo postup na domjacym trawniku. Chcedźa-li Njebjelčenjo dale horjeka sobu wo postup hrać, bychu přećiwo štwórtemu tabulki tři dypki w Njebjelčicach wostać dyrbjeli. Bohužel pak su so čerwjene košle zaso raz sami porazyli.
Hosćićeljo hru wote wšeho spočatka postajowachu. Hižo po něšto mjeńšinach prasny hłójčkowany bul Williama Plaettnera do žerdźe wrotow. To bě prěnja z mnohich wulkošansow SJN na tutym dnju. Ronny Hanuza postara so za mustwo trenarja Daniela Pohlinga wo nawjedowanje. Po dokładnej flance Jonasa Lehmanna kapitan bul k 1:0 (20.) do wrotow hosći zhłójčkowa. Dokelž pak Njebjelčenjo dalše šansy njewužichu, wosta po tym dołho při tutym snadnym nawjedowanju. Wot hosći wothladajo wot dołhich bulow ničo njepřińdźe, tuž čerwjene košle partiju tež w druhim połčasu dominowachu.
