Karlsruher SC – FC Energieja Choćebuz 0:3 (0:1)

zestawa hosći: Rorig, Manu, Erlein, Borgmann - Bittencourt (46. Pelivan), Michelbrink, Boziaris (61. Hannemann) – Ciğerci, Butler (72. Bogdanov), Copado (72. Kinsombi)

wrota: 0:1 Michelbrink (45.+2), 0:2 Pelivan (55.), 0:3 Butler (62.)

přihladowarjo: 28.186

To bě wčera gala-wustup FC Energije Choćebuz, kotryž su sej z wonkownym dobyćom mytowali. Nowačk bě na pjatym hrajnym dnju w Karlsruhskim stadionje super hrał. Skónčnje jónu hraješe FC Energija bjez wotwobaranskich zmylkow. Wulkotnje wuhrate wuspěchi ofensiwnych mocow dopomhachu přichodnym třom dypkam. Nětko steja Choćebuženjo na sedmym městnje w tabulce.