Erler Běłorusku wo wodaće prosył
GdL k wujednanju nuzować?
Weselsky ma twjerdu heju, politika znjeměrnjena
Berlin (dpa/SN/K). Stawk lokomotiwnikow je dźensa rano miliony dojězdźowarjow a pućowacych nuzował, druhe wobchadne srědki wužić. Čłonojo Dźěłarnistwa lokomotiwnikow (GdL) běchu rano we wosobowym wobchadźe Němskeje železnicy dźěło złožili a chcedźa z nim hakle njedźelu rano pokročować. Nakładne ćahi njeběchu hižo wčera popołdnju jězdźili.
Ćežišća stawka su Berlin, Halle, Frankfurt nad Mohanom a Mannheim. Po narunanskim jězbnym planje jězdźa ćahi „stabilnje“, kaž Němska železnica informuje. W regionach Halle, Lipsk a Drježdźany bě rano zahe jeničce 15 procentow regionalnych ćahow po puću. Pozdźišo je w Sakskej, Saksko-Anhaltskej a Durinskej wjace ćahow jězdźiło, dokelž bě wjac lokomotiwnikow na dźěło přišło, hač běchu wočakowali. Hinak hač na zapadźe njeje na wuchodźe mjez lokomotiwnikami nimale žanych zastojnikow, kotřiž njesmědźa stawkować.
Žadaja sej wěcownosć
Kohl sudnisce dobył
Přewozmu ćěkancow
Serbska rada móže wotnětka dźěłać
Nowa Rada za serbske naležnosće Sakskeje je so wčera w přitomnosći prezidenta Sakskeho krajneho sejma Matthiasa Rößlera (CDU) w twarjenju krajneho parlamenta w stolicy swobodneho stata skonstituowała.
Drježdźany (SN/MiR). Rada za serbske naležnosće Sakskeje je so wčera w Drježdźanach skonstituowała. Spočatk měrca běchu zapósłancy krajneho sejma čłonow čestnohamtsce skutkowaceho gremija wuzwolili. Jemu přisłušeja Manfred Hermaš, Marja Michałkowa, Hubertus Ryćer, Dawid Statnik a Leńka Thomasowa. Za předsydku rady wuzwolichu znowa zapósłanču zwjazkoweho sejma Marju Michałkowu (CDU). Ralbičansko-Róžeńčanski wjesnjanosta Hubertus Ryćer (CDU) ju zastupuje.
Islam so dale rozšěrja
Washington (B/SN). Islam móhł křesćanstwo na swěće w přichodnych lětdźesatkach jako najwjetša nabožinska zhromadnosć wotměnić. W lěće 2050 móhło runje telko muslimow na zemi być kaž křesćanow, rěka w prognozy instituta Pew Research Center z USA. Wokoło lěta 2070 změjemy po wšěm zdaću wjace muslimow hač křesćanow. Přičina tohole wuwića je mjez druhim ta, zo maja muslimojo přerěznje wjace dźěći. W Europje budu muslimojo za 35 lět něhdźe dźesać procentow cyłeje ludnosće wučinjeć. Přiwšěm měli při tajkich dołhodobnych prognozach skedźbliwi być, wobmjezuje so institut při předstajenju swojeje studije. Přirodne katastrofy, wójny a dalše njepředwidźomne podawki móhli demografiski trend tež změnić.
Namóc w Brazilskej přiběra
Rio de Janeiro (B/SN). Namócne konflikty wo wodu a pódu w Brazilskej dale přiběraja. Ličba pospytanych mordarstwow na wsach je so loni na zakładźe konfliktow a zajimow porno lětu 2013 poštworiła, kaž biskopska komisija za wjesne dušepastyrstwo rozprawja. Ličba namócnosćow a mordarstwow na wsach přiběra.
Chce napjatosće wottwarić
To a tamne (05.05.15)
Z wjace hač 3 000 zahrodkowymi palčikami ma drje Sven Berrar w posaarskim Völklingenje dotal jednu z najwjetšich zběrkow tajkich mužikow w Němskej. Po wšěm domje so palčiki z minjenych 125 lět hižo kopja, kaž nowinarjo rozprawjeja. Mjeztym 30lětny chutnje wo tym rozmysluje, přitwarić. Do zahrodki stajić wón małe postawy přiwšěm nochce, dokelž bychu tam kóždemužkuli wjedru wustajene byli.
Paducha-rentnarja z hoberskej lisćinu předchłostanjow je policija w Düsseldorfje zajała. Do toho bě senior z balkona bydlenja skočił a so při tym ćežko zranił. Swoje 70. narodniny minjeny kónc tydźenja dyrbješe tuž ze stražnikami w chorowni jastwa swjećić. Prěnje zasudźenje notoriskeho paducha pochadźa z lěta 1973. Jeničce w Düsseldorfje běchu jeho šěsć króć zasudźili.
Łužica (05.05.15)
Chcedźa załožbu rozšěrić
Choćebuz (dpa/SN/ch). Krajna załožba za Choćebuskej wuměłstwowy muzej Dieselowa milinarnja a statne dźiwadło móhła so wo w Frankfurće nad Wódru zaměstnjeny statny orchester kaž tež wo tamniši Muzej młodeho wuměłstwa rozšěrić. Kulturna ministerka Sabine Kunst (SPD) da to tuchwilu pruwować. „Rozšěrjena załožba móhła krajne nadawki dołhodobnje lěpje spjelnjeć a wuměłske profile mjenowanych kulturnych zarjadnišćow zawěsćić“, praji politikarka SPD nowinje Märkische Oderzeitung. Muzej młodeho wuměłstwa by ze swojej wuměłskej zběrku NDR planowany Muzej moderneho wuměłstwa wobohaćił, kotryž měł so z aktualnym wuchodoněmskim a wuchodoeuropskim wuměłstwom rozšěrić.
Wopomnišćo přepodali
