Sport (24.07.26)
Testowe koparske hry
Po krótkodobnje wotprajenej hrě zašły tydźeń změje prěnje koparske mustwo Sokoła hnydom dwě přihotowanskej hrě sobotu a njedźelu. Njebjelčanski cyłk přihotuje so w Małym Wosyku.
25.07. 14:00 SJ Chrósćicy –
Biskopičanske KT 08
25.07. 17:00 Sokoł Ralbicy/Hórki –
Módro-běli Njeswačidło
26.07. 11:00 SJ Chrósćicy II –
LSV Hory II
26.07. 15:00 Sokoł Ralbicy/Hórki –
ST Lubuš
26.07. 16:00 Mały Wosyk/Porchow –
SJ Njebjelčicy
31.07. 18:30 SJ Njebjelčicy –
HZ Zeleno-běli Halštrow
01.08. 15:00 Sokoł Ralbicy/Hórki –
FC Wjelki Seer
02.08. 11:00 SJ Chrósćicy II –
Natwar Němske Pazlicy
Trajne lisćiki sej skazać
Koparske towarstwo Budissa Budyšin předawa wotnětka trajne zastupne lisćiki za sezonu 2026/2027 za hry 1. mustwa we wyšej lize. Połna płaćizna za městno k sedźenju je 155 eurow, potuńšena 125 eurow. Štóž chce stać, dyrbi 125 eurow zapłaćić. Potuńšene płaća 95 eurow. Prawo na potuńšenu płaćiznu maja čłonojo towarstwa, wučomnicy, studowacy, rentnarjo a ćežkozbrašeni. Potuńšenje płaći jenož w zwisku z wotpowědnym płaćiwym wupokazom. Skazanski formular dyrbi so hišće dźensa, 24.07.26, na wupjelnić a wotpósłać.
Strowotniske běhi
FC Energija Choćebuz w treningowym lěhwje
Hnydom po wothwizdanju testoweje hry přećiwo Halleskemu FC (2:0) je FC Energija na treningowe lěhwo do Tirola wotjěła. Mustwo bydleše za čas lěhwa w hotelu Penzinghof w Oberndorfje a trenowaše na trawnikach Bichlachoweho stadiona.
24. junija zahajichu trening za njedźelu, 9. awgusta. Na tutym dnju startuje mjenujcy sezona w druhej zwjazkowej koparskej lize. Treningowy plan wobsahowaše šěsć testowych hrow, kotrež wuhrachu přewažnje we wokolinje Choćebuza.
26.06. Lok Calawa – FCE 0:17 (0:8)
27.06. LSV Hory – FCE 0:23 (0:8)
28.06. FCE – Město Choćebuz 4:0 (1:0)
03.07. FCE – VSG Altglienicke 1:1 (0:0)
04.07. FCE – Hertha BSC II 3:1 (0:1)
11.06. FCE – Halleski FC 2:0 (1:0)
Zwučuja w koparskim campje kluba Real Madrid
Chróšćenjo supercup dobyli
Lěćna přestawka chila so ke kóncej. Wotnětka liči za někotre serbske koparske mustwa, zo maja so na nowu sezonu přihotować. Na spočatku přihotowanskeje fazy je Serbski Supercup, kaž kóžde lěto w Njebjelčicach, stajnje kruty wobstatk. Tak tež lětsa. Prěni raz pak hrajachu jenož tři mustwa přećiwo sebi – SJ Njebjelčicy, SJ Chrósćicy 1981 a ST 1922 Radwor. W hrajnym modusu kóždy přećiwo kóždemu traješe jedna hra 1x45 min. Kotre mustwo, w kotrej hrě přećiwo komu hraje, to je patronka turněra Elaine Jenčec (čłonka sakskeho krajneho sejma) wulosowała.
Zestawa SJ Njebjelčicy:
Nico Hahn – Marvin Reineke, Georg Wersch, Ronny Hanuza, Dennis Wagner, Józef Matješk, William Plaettner, Handrij Korjeńk, Toni Čornak, Bennet Scherwinski, Timon Marticke, Fynn Zarjeńk, Marcel Kral, Ionel Statnik, Daniel Weclich
Zestawa SJ Chrósćicy:
Jakub Škoda – Benno Rätze, Bosćan Donah, Franciskus Wornar, Clemens Handrik, Dawid Žur, Florian Zelnak, Jan Bogusz, Jonas Zynda, Klemens Mark, Lucian Zahrodnik, Mato Dźisławk, Alwin Graf, Philip Šiman, Milan Zahrodnik, Gabriel Zahrodnik
Zestawa ST 1922 Radwor:
W Sulšecach znowa jědnatki třěleli
Turněr třělenja jědnatkow je so sobotu we wobłuku wjesneho zarjadowanja Halštrow Beatz na sportnišću w delnich Sulšecach wotměł. Něhdźe 300 wopytowarjow je wubědźowanja při lěćnych temperaturach a smalacym słóncu sćěhowało a so cyły dźeń sobu wo dobru naladu starało. Cyłkownje bě so 31 mustwow přizjewiło, jedne mjenje hač loni. Wone skićachu přihladowarjam mnohe napjate dwuboje.
Serb wuspěšny w Braniborskej
Gravelmania – etapowe kolesowarske wubědźowanje w přirodźe w Kostebrawje (Kosterbrau, Łuchow (Lauchhammer), Braniborska) je jedne z najznaćišich gravel-zarjadowanjow Němskeje a dźěl German Gravel League. Třidnjowske zarjadowanje w juliju skići wšelake distancy (50 km abo 100 km) kaž tež ryzy njedźelske wubědźowanje za dnjowych startowarjow.
Na njedźelnišim wubědźowanju za startowarjow bjez licency wobdźělichu so w najwyšej wjesce Braniborskeje tež 4 čłonow Kulowskeho velo-cluba. Najspěšniši kwarteta na 40 km dołhej čarje bě rodźeny Radworčan Phillip Paška. Wón zmištrowa 4 koła – jedne koło je 10 km dołhe – a to w času 1:19:54. Štwórte městno docpě Kulowčan Robert Schulze ze zastatkom 5:46 mjeńšinow. Sedmy bu Tomaš Schley z Hórnikec a 12. městno wobsadźi Manuel Schober z Bórkhamora. Cyłkownje je 24 wobdźělnikow startowało – to je za KLW velo-club wuspěšny mustwowy wukon. Maik Brězan
Zakónčace tabulki koparskeho dorosta sezony 25/26 (21.07.26)
W přichodnych tydźenjach wozjewimy zakónčace tabulki koparskeho dorosta. Najkrótši přehlad twori młodźina A. W starobnej klasy 17-18 hraje na wokrjesnej runinje jenož hišće mało mustwow, štož wuskutkuje so tež na cyłki muži. Napadnje, zo SJC a Sokoł w minjenej hrajnej dobje młodźinu A njeměještaj. Ze stafle 3 je wuwidźeć, zo je HZ Njebjelčicy/Pančicy dosć dobre prěnje koło hrało, ale w mišterskim kole bjez dypka wostało.
Zapadołužiski koparski zwjazk /
młodźina A
Młodźina A, stafla 1
1. Póst Germania Budyšin 8 23:12 16
2. TSV 1859 Wjernarjecy 8 22:15 15
3. HZ Traktor Malešecy 8 23:20 12
4. ST Hnašecy-Dobruša 8 15:29 8
5. HZ Horni kraj Sprjewja 8 13:20 7
Młodźina A, stafla 2
1. ST Kinspork/Łužnica 1 56:26 21 2. HZ Großnaundorf 10 41:30 18
3. HZ TSV Połčnica 10 35:34 15
4. HZ Drohotka Ramnow 10 29:38 15
5. Arnsdorfske KT 10 23:33 9
6. KT Ottendorf-Okrilla 10 26:49 6
Młodźina A, stafla 3
1. HZ Módro-běli Kulow 8 27: 5 24
2. HZ Njebjelčicy/Pančicy 8 35:13 14
3. ST Porchow 8 22:17 12
4. ST 1922 Radwor 8 20:21 7
5. HZ Mały Wjelkow 8 5:53 0
Młodźina A, mišterske koło
1. ST Kinspork/Łužnica 11 40:11 28
2. TSV 1859 Wjernarjecy 11 41:21 23
3. HZ TSV Połčnica 11 30:14 22
4. HZ Drohotka Ramnow 11 34:24 21
5. HZ Módro-běli Kulow 11 30:17 19
6. Póst Germania Budyšin 11 20:19 17
7. HZ Großnaundorf 11 41:27 16
8. HZ Traktor Malešecy 11 30:31 14
9. ST Porchow 11 20:21 14
10. ST Hnašecy-Dobruša 11 23:40 7
11. ST 1922 Radwor 11 15:51 4
Bičtura Radija Satkula w Radworju
W Radworju je so wčera druha połserija lětušeje bičwolejbuloweje tury Radija Satkula zahajiła. Cyłk wokoło Jana Šołty a Mata Dźisławka doby šesty wot dźesać turněrow. Dešća dla dyrbjachu wubědźowanje z 19 mustwami někotre mjeńšiny přetorhnyć. Sedma stacija tury budźe přichodnu póndźelu w Chrósćicach.
Foto: Konstantin Hrjehor
Comeback Captains Cupa
Worklecy. To bě kónc tydźenja w znamjenju bičwolejbula. Wyšoklasowe wubědźowanje muži sobotu a pisany měšany turněr njedźelu přiwabištej tójšto teamow do Worklec na turněr Captains cup.
Po wjacelětnej, wunuzowanej přestawce dožiwištej Worklečanskej bičwolejbulnišći předposledni kónc tydźenja sportowy highlight ekstraklasy. Na modernymaj hrajnišćomaj přewjedźechu prěni raz po koronapandemiji zaso tradicionalny „Captains cup“. Organizowany wot angažowaneje młódšeje generacije sportoweho towarstwa Viktoria Worklecy wuhotowachu dwudnjowski event ambicioněrowaneho wukonoweho sporta a zdobom wulkotnej swjedźenjej za cyły wolejbulowy region.
Widźał,słyšał, napisał (20.07.26)
Awtor dźensa
Jan Bogusz
