Gmejna Njeswačidło starosće Koslowčanow chutnje bjerje

Njeswačidło (JK/SN). Koslowčenjo su sej na minjenym posedźenju gmejnskich radźićelow wospjet žadali, zo so we wsy nadróžne wobswětlenje sporjedźa a wobchad přez wjes tak rjaduje, zo je wěstota wosebje za dźěći zawěsćena. Nimo toho měła so wjesna dróha wuporjedźeć, zo hodźi so bjez stracha podłu njeje chodźić.