Lětarski muzej wopytali

Freitag, 31. Juli 2020
Artikel bewerten
(0 Stimmen)
K zetkanju njewšědneho razu je spočatk tydźenja w lětarskotechniskim muzeju w Rózborku dóšło. 13 holcow a hólcow 4. lětnika běchu na swojej kolesowarskej jězbje­ ze Zhorjelca na kupu Usedom při Baltiskim morju w muzeju pozastali. Tam wočakowaše jich Eike Wetzstein (naprawo), posledni pilot, kiž bě z lětadłom typa MiG 21 na bywšim wojerskim lětanišću přizemił. Wón měješe runje tak kaž sobudźěłaćer muzeja Reiner Röhle (nalěwo) dźesaćlětnym wjele powědać. Dźěći kedźbliwje sćěhowachu, dyrbjachu so pak bórze zaso rozžohnować. Wšako mějachu hač na st­anowanišćo při morju hišće tójšto kilometrow před sobu. Foto: Joachim Rjela

Veröffentlicht in Lokalka
Bitte anmelden, um einen Kommentar zu posten

Anzeige