Misnjenje njewuzběhać

Freitag, 31. Juli 2020
Artikel bewerten
(0 Stimmen)
Bohužel je zwjetša tak, zo něchtó mały zmylk bóle wuzběhuje hač někajki wulki skutk. Zawěsće pak potom na wotewrjenju noweho Worklečanskeho horta wopytowarjam w foyeru napadnje, zo je so na tafli z wopisanjom jednotliwych stwow na delnim a hornim poschodźe kumštne słowo „snoezelen“ zabłudźiło. Ja wšak z nim znajmjeńša ničo započeć njemóžu. Hakle wjesnjanosta Franc Brusk je mi tele dny rozswětlił, zo jedna so wo nowomodne zapřijeće za wočerstwjenje, kotrež so tež jemu njelubi. Wone je so najskerje přez mału njekedźbliwosć na taflu dóstało. Snano so hišće poradźi, słowo z po­wšit­kow­nje zrozumliwym narunać. Mału njerjanosć pak njesměł nětko wjetšu hódnotu dóstać hač cyły rjany nowy hort. Tón je so mjenujcy přewšo derje radźeny a wuhotowany. Wuzběhnyć tuž chcu, zo je so gmejnje poradźiło tajki rjany dom za wjace hač 120 dźěći natwarić, a nic, zo je so při tym małe misnjenje stało. Marian Wjeńka

Veröffentlicht in Lokalka
Bitte anmelden, um einen Kommentar zu posten

Anzeige