Mały wobchod z wulkim wuběrom(6)

Mittwoch, 01. September 2021
Artikel bewerten
(0 Stimmen)
Aniko Schmidt njemóže sej ničo rjeńšeho předstajić, hač w swójskim wobchodźe kupcow posłužować a z nimi hdys a hdys pobjesadować. Foto: Carmen Schumann Aniko Schmidt njemóže sej ničo rjeńšeho předstajić, hač w swójskim wobchodźe kupcow posłužować a z nimi hdys a hdys pobjesadować. Foto: Carmen Schumann

Na wsy wobchod měć dźensniši dźeń wjace samozrozumliwe njeje. We wobłuku lětušeho lětnjeho seriala smy so na­ wsach rozhladowali, zo bychmy swojim čitarjam tón abo tamny wjesny wobchod předstajili.

Tale ławka je jara wažna. Wona steji před „Šmitec małym wobchodom“ w Klětnom (Klitten). Po nakupowanju so tam ludźo k bjesadźe rady na nju posydnu. Nakupowanišćo za ži­widła je mjenujcy tajke něšto kaž srje­dźišćo wsy a centrala za wuměnu nowosćow a powěsćow. Wězo kupcy tež rady z Aniko Schmidt, wobsedźerku wobchoda, pobjesaduja. Přećelna młoda žona njeby sej dźensa ničo druhe wjac předstajić móhła, hač tónle wobchod nawjedować, a to, byrnjež scyła z Klětnoho njepochadźała. Wšako je so na Klětnjana wudała a tak sem přišła. Wona pochadźa z Trjebuza (Trebus), wsy zapadnje Niskeje. Hač do lěta 2008 je jeje přichodna mać Emilie Schmidt wobchod wjedła. Jako so wona na wuměnk poda, so předewšěm Klětnjenjo bojachu, zo hižo­ bórze žadyn žiwidłowy wobchod wjac we wsy njezměja. Tohodla rozsudźi so Aniko Schmidt, předawanišćo, w kotrymž bě do toho raz lutowarnja zaměstnjena, dale wjesć.

Veröffentlicht in Łužica

Galerie

dalši wobraz (1)
Bitte anmelden, um einen Kommentar zu posten

Serbska debata

Neuheiten LND