Nowa pěc hižo derje dźěła

Mittwoch, 01. September 2021
Artikel bewerten
(0 Stimmen)
Při přepodaću pjenježneho dara pódla běchu předwčerawšim wyši měšćanosta Wojerec Torsten Ruban-Zeh (SPD), jednaćel Wojerowskich zastaranskich zawodow Wolf-Thomas Hendrich, Ulf Heitmüller a Tobias Čižik (wotlěwa).  Foto: Andreas Kirschke Při přepodaću pjenježneho dara pódla běchu předwčerawšim wyši měšćanosta Wojerec Torsten Ruban-Zeh (SPD), jednaćel Wojerowskich zastaranskich zawodow Wolf-Thomas Hendrich, Ulf Heitmüller a Tobias Čižik (wotlěwa). Foto: Andreas Kirschke

Załožba VNG podpěruje dźěćace a młodźinske dźěło Krabatoweho młyna

Čorny Chołmc (AK/SN). Wot lěta 2009 wobstejaca a po wšej Němskej aktiwna towaršnosć Verbundnetz Gas AG podpěruje ze swojej załožbu VNG towarstwo Čornochołmčanskeho Krabatoweho mły­na z 5 000 eurami. Z pjenjezami chcedźa wobsahowe dźěło dožiwjenskeho areala zaměrnje spěchować, rjekny nawoda předsydstwa VNG Ulf Heitmüller, jako předwčerawšim symboliski šek přepoda. „Nad tajkej pomocu so wězo jara wjeselimy“, praji jednaćel Krabatoweho młyna Tobias Čižik. Po jeho słowach wužiwaja srědki za to, dom za pječenje dale wu­hotować. W nim hišće někotre mašiny pobrachuja, mjez druhim za ­mlěće zorna a za měšenje ćěsta. Tež polcy za kamor, w kotrymž so ćěsto hiba, dyrbja hišće wobstarać. Hlinjana pěc ­sama pak je hotowa. W njej mjeztym wobstajnje Kra­ba­towy chlěb pjeku a tak wopytowarjow młyna sobu zastaruja, rozłoži Rico Ziegenbalg z Lichtenberga pola Połčnicy. Wón je wot spočatka awgusta kruće ­přistajeny pjekarski mišter w Krabatowym młynje. Něhdźe 30 chlěbow, kóždy něhdźe 900 gramow ćežki, móže wón w pjecy naraz pjec.

Veröffentlicht in Lokalka
Bitte anmelden, um einen Kommentar zu posten

Anzeige