Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow ­prócuja. K tomu ­přinošować chce naša serija z pokiwami z weterinarneje ­mediciny. (33)

Cornflakesy z mlokom, jogurt z worješkami a kofej ze smjetanu k snědani lubja dobry start do noweho dnja. Tež industrija wabi z pisanymi zapakowanjemi za słódny a strowy produkt z mloka. Při tym rady mjez družinami mloka wolimy. Wosebje grjekske twarožki z wowčeho a pomazanki z kozaceho mloka su dźeń a woblubowaniše. Dokelž tele produkty wot zwěrjatow pochadźeja, podleži kontrola wěstoty zežiwidłow mjez druhim weterinarnemu zarjadej.