Po měnjenju iniciatiwy wjedu rozbuchnjenja k škodam na twarjenjach

Plusnikecy (UM/SN). 45 pohórškow je wot spočatka lěta 2017 hač do meje 2025 pola Sakskeho wyšeho hórnistwoweho zarjada, pola Budyskeho krajnoradneho zarjada a pola Krajneho zarjada za wobswět a geologiju Plusnikečanskeje skały dla dóšło, kotruž předewzaće ProStein wjedźe. Tole wuchadźa z wotmołwy na naprašowanje zapósłanca Sakskeho krajneho sejma Franka Peschela (AfD) sakskemu statnemu knježerstwu. Přičina za pohóršk bě w 22 padach střasenje w zwisku z rozbuchnjenjemi.