W Chróšćanskej pěstowarni njewobsteji strach za dźěći a kubłarki

Chrósćicy (SN/MWj). Po tym zo bě woda, kiž bě z puknjeneje roły wuběžała, špundowanje a sćěny Chróšćanskeje pěstowarnje wobškodźiła, njeje dotal jasne, kak budu škodu wotstronić móc. Na tym fachowcy tuchwilu dźěłaja, praji Chróšćanski wjesnjanosta Marko Kliman (CDU). Jedna móžnosć po jeho słowach je, twarjenje z pomocu techniki wusušić. Jeli so to njeporadźi, bychu špundowanje z nowym narunać dyrbjeli. „Tole pak njeje hišće rozsudźene“, Kliman wobkrući. Ručež budźe rozsud tworjeny, staršich a kubłarki informuja. Tohodla tež tuchwilne tukanja wo hóršich konse­kwencach jara wunošne njejsu, wón praji­.