We Wotrowje chcedźa zwěsćić, kak hašensku wodu najkmańšo zaručić

Wotrow (SN/MWj). Hdyž so we Wotrowje pali, móže so stać, zo wohnjowi wobornicy dosć hašenskeje wody nimaja. „Wotrow je jenička wjes w našej gmejnje, hdźež je zastaranje z hašenskej wodu ­njedosahace“, praji wjesnjanosta Pančic-Kukowa Markus Kreuz (CDU). To ma so w přichodźe změnić a tohodla su so z tutej temu wčera gmejnscy radźićeljo na swojim posedźenju we Wotrowskej starej šuli zaběrali.