Štomy jamy dla pušćeja

Drježdźany. W priwatnym lěsu pola Rownoho dźěłaćerjo tuchwilu štomy pušćeja. Lěs ma so rozšěrjenja Wochožanskeje brunicoweje jamy dla zhubić. Wobsedźerka bě so dlěje přećiwo tomu wobarała. Energijowy koncern LEAG bě sudnistwu samo próstwu wo wuswojenje ležownosće po hórniskim prawje stajił. Situacija na městnje je dotal měrna a bjez protestow wostała.

Dźeń a wjac wuměnkarjow dźěła

Kamjenica. Něhdźe 60 000 wobydlerjow w Sakskej dale dźěła, byrnjež hižo na wuměnku byli. Ličba je po informacijach Zwjazkoweje agentury za dźěło minjene lěta jasnje stupała. Před dźesać lětami je hišće dobrych 41 000 wuměnkarjow dźěłało, 2010 jenož něšto wjace hač 35 000. Předewzaća dźeń a ćešo fachowcow namakaja, wopodstatni regionalna direkcija w Kamjenicy tele wuwiće.

Spominaja na Monty Python