Perfecta w insolwency
Budyšin. Jednaćelstwo mašinotwarskeho zawoda Perfecta w Budyšinje je kónc decembra na Drježdźanskim zarjadniskim sudnistwje insolwencu přizjewiło. Insolwencu chcedźa w swójskej zamołwitosći zrjadować. Zaměr je, inwestorow namakać a so znowa wusměrić. Zawod, w kotrymž mašiny za rězanje zhotowjeja, ma tuchwilu 86 přistajenych.
Rjemjesło dźeń a woblubowaniše
Drježdźany/Budyšin. Wukubłanje w rjemjesle je mjez młodostnymi woblubowane. Tole wuchadźa z bilancy Drježdźanskeje rjemjeslniskeje komory, kotrejž tež Budyski wokrjes přisłuša. Loni je 1 834 muži a žonow wukubłanje w rjemjesle zahajiło. To je rozrost wo 8,6 procentow. Najwoblubowaniše powołanje je nadal mechatronikar za jězdźidła, hdźež je 376 młodych ludźi wukubłanske zrěčenje podpisało.
Nutřkowne město bjez miliny
