Vilnius (dpa/SN). Ruskej wojerskej lětadle stej wčera mjezu statneho teritorija Litawskeje a z tym teritorija Nato přeprěčiłoj. Prawdźepodobnje stej mašinje w regionje Kaliningrada natankowanje w powětře zwučowałoj, litawske wójsko zdźěli. Ruske zakitowanske ministerstwo manewer w socialnych medijach wobkrući. Hranicy druhich statow při tym ranjene njebuchu, za to maja objektiwne kontrolne daty, ­wone piše.

Brónje za wjetše distancy

London (dpa/SN). Tak mjenowana koalicija zwólniwych schadźuje so dźensa w Londonje, zo by wo móžnosćach podpěrowanja Ukrainy w zymskim času wuradźowała. Britiski premierminister Keir Starmer je so za dodawanje wjetšeho mnóstwa brónjow za daloke distancy wuprajił. Z tym by Ukraina w zymje w boju přećiwo Ruskej sylniša była.

Trump rozmołwy zakónčił