Zetkanje łužiskich chórow we wobłuku jubilejneho tydźenja w Malešecach

Malešecy (LTh/SN). W Malešecach před gmejnskim zarjadom zhromadźichu so wčera wječor dźesać chórow a jich publikum, zo bychu 800 lět wsy Malešecy z wěncom spěwow woswjećili. Běchu sej wjesny publikum přeprosyli a wabjachu stajnje znowa do zhromadneho spěwanja němskich ludowych spěwow. Tak nasta chór z wjace hač 400 hłosami. Wulkotny to wukon! Na starosći mějachu tute předewzaće wosebje kantorce Adele Grafe a Isabell Mücke. Jimaj poboku steješe z dobrej radu a připowědźu Margitta Luttner, kotruž wšitcy z Budyskeje hudźbneje šule znaja.