Zwiski ke korjenjam pohłubšić

Dienstag, 28. März 2017
Artikel bewerten
(0 Stimmen)

Krabatowe towarstwo za regionalne wuwiće dwurěčneje Łužicy chce swoje zwiski do domizny Krabata, chorwatskeho a słowjenskeho regiona Žum­berak zesylnić.

Chrósćicy (AK/SN). „Ze swojej wobstejacej syću partnerow a ze swojimi nazhonjenjemi chcemy mjez turistikarjemi we Łužicy a w Žumberakskim regionje po­srědkować“, podšmórny předsyda Krabatoweho towarstwa Reiner Deutschmann wčera na hłownej zhromadźiznje towarstwa w Chrósćicach. „Zaměr je dołhodobny kooperaciski projekt přez europski spěchowanski program Leader mjez łužiskim Krabatowym regionom a chorwatsko-słowjenskej namjeznej kónčinu. To je wulke wužadanje, ale móžemy je zmištrować.“ Prócować chcedźa so tohorunja wo zwiski mjez Budyskim wokrjesom a komunami w regionje Žumberak. Tole měła předewšěm iniciatiwa wjesnjanostow być.

Veröffentlicht in Towarstwa
Bitte anmelden, um einen Kommentar zu posten

Serbska debata

Neuheiten LND