39. swjedźeń serbskeje poezije dale njejasny
Budyšin (SN/CoR). Kak dale ze Swjedźenjom serbskeje poezije? Mjeztym zo předsydstwo Zwjazka serbskich wuměłcow po informacijach jeho předsydy Jana Bělka hižo wo nowych formach tradicionalneho literarneho festiwala rozmysluje, je bywši předsyda ZSW a nětčiši rěčnik Koła serbskich spisowaćelow w ZSW Benedikt Dyrlich hromadźe z rěčnicu Dorotheju Šołćinej w mjenje přihotowanskeho wuběrka 39. mjezynarodneho swjedźenja serbskeje poezije na wuradźowanje přeprosył. Na dnjowym porjedźe za 20. julij planowaneho zeńdźenja steja informacije wokoło swjedźenja, diskusija kaž tež „wobzamknjenja k skutkowanju a přichodej našeho koła“.
