Swójbny swjedźeń SŠT skići serbskorěčny rum

Montag, 14. August 2017
Artikel bewerten
(0 Stimmen)
Dźěći a kubłarki Ralbičanskeje pěstowarnje „Dr. Jurij Młynk“ zawjeselichu hosći ze spěwčkami na wčerawšim swjedźenju SŠT w Hórkach.  Foto: Feliks Haza Dźěći a kubłarki Ralbičanskeje pěstowarnje „Dr. Jurij Młynk“ zawjeselichu hosći ze spěwčkami na wčerawšim swjedźenju SŠT w Hórkach. Foto: Feliks Haza

Hórki (SN/MiR). Sedźi-li wjace hač 250 ludźi w Hórkach zhromadnje za blidami, da to rěka, zo wotměwa Serbske šulske towarstwo swój kóždolětny swójbny swjedźeń. Tomu wčera zaso tak bě. Nalada bě wulkotna, tež hdyž njebě so wjedra a mnohich dalšich zarjadowanjow we wokolinje dla telko ludźi zešło kaž lěta do toho.

Zahajili běchu swój swjedźeń z nyšporom. Farar Měrćin Deleńk njebě sej chorosće dla do Hórkow dojěć móhł. Předsydka SŠT Ludmila Budarjowa pak rjekny, zo „smy jako katolscy Serbja na tule mału pobožnosć přihotowani“. Z wjacorymi spěwami a modlitwami za staršich a dźěći bě nutrnosć dostojne zahajenje. Při slědowacej swačinje zetkachu so kubłarki ze wšelakich dźěćacych dnjowych přebywanišćow w nošerstwje SŠT. Starši wužichu składnosć bjesady.

Veröffentlicht in Towarstwa
Bitte anmelden, um einen Kommentar zu posten

Anzeige