Tak kaž nalěto zahrodkarjam w porstach swjerbi, zo móža zaso wonka podźěłać, nětko tež dźěło pčołarjow přiběra. Při rjanym słónčnym wjedrje počinaja wone wobnošk nosyć.
Pěskecy (aha/SN). Wjace hač 40 pčołarjow přisłuša towarstwu Serbskeje pčólnicy, kotrež nawjeduje wot lěta 1999 Chróšćan Jan Wjesela. Cyłkownje staraja so čłonojo towarstwa wo něhdźe 300 pčolacych ludow. Najmłódši čłon je dwaceći lět, jedna z najstaršich je 79lětna Monika Šołćina z Pěskec.