Domowina bě a je biosferowemu rezerwatej wažny partner

Stróža (UM/SN). Zarjadnistwo biosferoweho rezerwata Hornjołužiska hola a haty­ chce při spěchowanju turizma přichod­nje hišće sylnišo na wsy swojeho teritorija skedźbnjeć. „Smy w kulturnej krajinje, kotraž je sylnje wot čłowjeka wobwliwowana a tworjena“, wuswětla nawoda biosferoweho zarjada Torsten Roch. „Wažny wobstatk turistiskeho koncepta su naše wsy, kotrež su so zdźěla 800 lět wuwiwali a sej swoju tradicio­nalnu strukturu, na přikład jako kulowc (Runddorf), nawsowc (Angerdorf) abo łanowc­ (Waldhufendorf) wobchowali. Z ekskursijemi, wodźenjemi a publikacijemi chcemy tajke wosebitosće našim hosćom zbližić a jim móžnosć skićić je dožiwić.“ Wuzběhnyć chcedźa při tym serbskosć regiona a jeje wliw na wuwiće wsow we wokolinje.